Bí o ṣe lè fi Misoprostol ṣẹ́ oyún

A lè ṣe ìṣẹ́yún oníṣègùn pẹ̀lú Mifepristone àti Misoprostol ní sísẹ̀ n tẹ̀lé. Ojú ewé yìí ṣàlàyé bí a ṣe lè lo Misoprostol nìkan láti ṣẹ́yún pẹ̀lú ògùn. Tí o kò bá ní Mifepristone, jọ̀wọ́ wo ìtọ́sọ́nà yìí.

Kí o tó bẹ̀rẹ̀

Rántí wípé àlàyé yìí wúlò fún ṣíṣẹ́ oyún ọsẹ mókànlá tàbí èyítí kò tó béè tí o bá kà láti ọjọ́ àkọ́kọ́ tí o rí nǹkan oṣù rẹ gbẹ̀yìn [1] Nítorí a kò kọ́ wa láti ràn ọ́ lọwo fún oyún tó ju ọ̀sẹ̀ mọ́kànlá lọ, a ó ṣe akitiyan láti tọ́ka ẹlòmíràn tí ó lè ràn ó lọ́wọ́

Lílo Misoprostol [1] a máa múnádóko dáradára (85%) [2] láti yọ oyún tí ó ti pé ọ̀sẹ̀ mọ́kànlá tàbí tí kò tí tó bẹ́ẹ̀

Láti mọ̀ boya ọ̀nà yìí kò léwu fún ọ, a gbà ó níyànjú láti ka abala ìṣáájú nípa ìgbà tí kò tọ́ láti lo ògùn ìṣẹ́yún. Tí kò bá dá o lójú wípé ètò yìí tọ́ fún ọ, kàn sí wa

Ìwọ̀n ìlò Misoprostol fún oyún ṣíṣẹ́

Ìwọ̀n ìlò Misoprostol fun obìnrin tí oyún rẹ̀ ti tó ọ̀sẹ̀ mẹ́sàán: Wàá nílò ẹyọ mẹ́jọ Misoprostol ó kéré tán, tó bá sì ṣeé ṣe. Ó yẹ kí ẹyọ kàn jẹ́ igba míkírómílígíràmù [3]

Ìwọ̀n ìlò Misoprostol fun obìnrin tí oyún rẹ̀ ti tó ọ̀sẹ̀ mẹ́sàán sí mọ́kànlá: Wàá nílò ẹyọ mẹ́jọ Misoprostol ó kéré tán, tó bá sì ṣeé ṣe, a gbà ọ́ níyànjú láti ní ẹyọ Misoprostol mẹ́ẹ̀rin síi lọ́wọ́ (gbogbo rẹ̀ jẹ́ ẹyọ méjìlá) nígbà tí ó ṣe pé oyún náà wa láàárín ọ̀sẹ̀ mẹ́sán-án sí mọ́kànlá. Ti ó bá nira láti rí ẹyọ méjìlá, o lè lo ẹyọ mẹ́jọ ògùn Misoprostol ṣùgbọ́n ó le má ṣiṣẹ́ bó tí yẹ.

Ó yẹ kí ẹyọ kàn jẹ́ igba míkírómílígíràmù [4]

Tí àwọn oògùn tí ò ń rí bá ní ìwọ̀n ìlò ọ̀tọ̀ọ̀tọ̀ míkírómílígíràmù, wàá nílò láti tún ìsirò iye ìwọ̀n ṣe kí o ba lè lo ìwọ̀n tí ó tọ́ [5]

Tí o bá ní ìbéèrè kankan, jọwọ́ má ṣe sàfira láti kàn sí wa. A wà níhìn-ín láti ràn ọ́ lọ́wọ́ ní ìrìnàjò ìṣẹ́yún rẹ

Bí o ṣe lè lo mifepristone ati misoprostol fún ìṣẹ́yún àìléwu

Níi lọ́kàn wípé àwọn atọ́ka àìlera tí o máa rí kò ní pé bẹ̀rẹ̀ lẹ́yìn ìgbàtí o bá lo Misoprostol; nítorínà, yan àsìkò tí ó pé ìwọ àti iṣẹ́ re. A gbà ó níyànjú wípé kí o yan àsìkò tí o wà nílé láì níṣẹ́

protocol-medical-abortion-misoprostol-only

Ìgbésẹ̀ Kínní: Lo ibuprofen egbèrin mílígíràmù ní wákàtí kan sí ìgbà tí o fẹ́ lo Misoprostol.

Ìgbésẹ yìí ò pa dandan àmọ́ a gbà ọ́ ní ìmọ̀ràn kí o ṣé. Ibuprofen a máa dín inú rírun kù, a sì ma ràn ọ́ lọ́wọ́ láti bójútó àwọn àìlera tí ó le jẹyọ bíi orí fífọ́, ibà àti /tàbí òtútù díè díè [6]. Rántí wípé ibuprofen ṣe é lò láti ìbẹ̀rẹ̀ ètò náà títí dé òpin àti lẹ́yìn ètò náà tí o bá nílò rẹ̀. Àwọn obìnrin tí ibuprofen àti àwọn NSAID ò bá lára mu le yẹ àwọn ìbéèrè òrèkóòrè wa wò fún ìmọ̀ràn lórí àwọn ọ̀nà míràn tí a lè gbà tọ́jú ìrora

Tí o bá ní ògùn èébì, o lè lòó ní àkọ́kọ́ yìí

Ìgbésẹ̀ kejì: Fi Misoprostol mẹ̀ẹ́rin sábẹ́ ahọ́n fún ọgbọ́n ìṣẹ́jú.

Ó ṣe pàtàkì kí ògùn náà wà lábẹ́ ahọ́n rẹ fún ọgbọ̀n ìṣẹ́jú kí ó báa lè wọnú ara lo. Lẹ́yìn ọgbọ̀n ìṣẹ́jú, o lè mu omi láti ṣan ẹnu rẹ àti láti gbé ògùn náà mi [7]

Tí o bá bì láàárín ọgbọ̀n ìṣẹ́jú tí Misoprostol náà wà lábẹ́ ahọ́n rẹ, ó ṣeé ṣe kó má ṣiṣẹ́. Tí èyí bá ṣẹlẹ̀ ó ṣe pàtàkì láti tún ìgbésẹ̀ kejì gbé.

Tí o bá bì lẹ́yìn tí o ògùn náà ti wà lábẹ́ ahọ́n rẹ fún ọgbọ̀n ìṣẹ́jú, o kò ní láti tún ìgbésẹ̀ kejì gbé nítori àwọn ògùn náà ti wa nínú àgò ara rẹ.

Dúró fún wákàtí mẹ́ta

Ìgbésẹ̀ Kẹ́ta: Fi Misoprostol mẹ́ẹ̀rin míràn sábẹ́ ahọ́n fún ọgbọ̀n ìṣẹ́júI

Dúró fún wákàtí mẹ́ta

Fún àwọn obìnrin tí oyún wọn wà láàárín ọ̀sẹ̀ mẹ́sàán sí ìsàlẹ̀, lọ sí ìgbésẹ̀ kẹẹ̀rin tó bá ṣe pé wákàtí mẹ́ta ti kọjá lẹ́yìn tí o ti lo Misoprostol ti o kò si tíì rí ẹ̀jẹ̀ tàbí ẹ̀jẹ̀ náà kò dà to ti nǹkan oṣù rẹ.

– Fún àwọn obìnrin tí oyún wọn wà láàárín ọ̀sẹ̀ mẹ́sàán sí mọ́kànlá, lọ sí ìgbésẹ̀ kẹẹ̀rin láì nání bí ẹ̀jẹ̀ náà ṣe ń dà.

O sì tún le kàn sí wa

Ìgbésẹ̀ kẹẹ̀rin: Fi Misoprostol mẹ̀ẹ́rin sábẹ́ ahọ́n fún ọgbọ́n ìṣẹ́jú.

[Fún àwọn obìrin tí oyún wọn wà láàárin ọ̀sẹ̀ mẹ́sàn-án sí mọ́kànlá tàbí tí wọn kò rí ìdà ẹ̀jẹ̀ ní ìgbésẹ̀ ìkẹyìn]

Tí wákàtí mẹ́ta míràn bá kọjá tí ẹ̀jẹ̀ kò sì tíì dà tàbí inú kò run ọ́, kàn sí wa. Máṣẹ lo oògùn míràn mọ́ tí a ó fi jọ yẹ̀ẹ́ wò.

Àwọn atọ́ka àìlera tí a ń retí lẹ́yìn lílo Mifepristone àti Misoprostol.

Lẹ́yìn tí o bá lo Misoprostol, o máa rí ìrírí ẹ̀jẹ̀ dídà àti inú rírun. Àwọn obìnrin míràn (kìí ṣe gbogbo wọn) yóò yọ ẹ̀jẹ̀ dídì. Kò ṣeé ṣe kí èèyàn mọ ìgbà tí inú rírun yóò bẹ̀rẹ̀ tàbí tí ẹ̀jẹ̀ yóò bẹ̀rẹ̀ sí dà, ní ọ̀pọ̀lọpọ̀ ìgbà a máa bẹ̀rẹ̀ láàárín wákàtí kan sí méjì, àmọ́ ó le tó ọ̀pọ̀lọpọ̀ wákàtí síi. [8]

Ẹ̀jẹ̀ tó ye kó dà kò yẹ kó gara ju nǹkan oṣù rẹ lọ, àbí kó fara jọ́. Ó lè máa wá kó máa lọ fún ọ̀pọ̀lọpọ̀ ọjọ́ tàbí ọ̀sẹ̀ lẹ́yìn ìgbà tí o lo ògùn náà. Ó yẹ kí ẹ̀jẹ̀ tó ń dà ati àwọn atọ́ka oyún rẹ máa palẹ̀mọ́ lẹ́yìn ọ̀sẹ̀ bíi mélòó kan [9]

Fún àwọn obìnrin tí oyún wọn wà ní oṣù mẹ́wàá sí mọ́kànlá, o máa rí àwọn atọ́ka àìlera bíi ẹ̀jẹ̀ dídà àti inú rírun. Ó sì ṣeé ṣe kí o rí ọlẹ̀ inú nígbàtí ó bá já bọ́ sílẹ̀ [1]. Lọ́pọ̀ ìgbà ọlẹ̀ náà le dàpò mọ́ ẹ̀jẹ̀ àti ẹ̀jẹ̀ dídì, a kìí sí ì mọ̀ pé ó wà níbè, àmọ́ ó ṣe pàtàkì láti mọ̀ wípé kò jẹ́ tuntun tí o bá dáa mọ̀. Má bẹ̀rù ó ṣeé yí mọ́ àwọ̀tẹ́lẹ̀ nǹkan oṣù láti jùú dànù tàbí kí o sàn-án dànù sí ilé ìyàgbẹ́.

Rántí wípé ìrírí ìṣẹ́yún kọ̀ọ̀kan yàtò àti wípé àwọn atọ́ka àìlera yàtò láti obìnrin sí obìnrin.

Àwọn atọ́ka oyún ọ̀pọ̀lọpọ̀ àwọn obìnrin ló má ń dúró lẹ́yìn bíi ọjọ́ márùn-ún tí wọ́n ti lo Misoprostol. Tí àwọn atọ́ka oyún rẹ bá bẹ̀rẹ̀ sí ní dínkù tí ó sì pòórá lẹ́yìn tí o lo ògùn náà, èyí jẹ́ àmì tí ó dára wípé o kò lóyún mọ́ [10]

Àwọn àìlera tí ó le jẹyọ lẹ́yìn tí o bá lo Misoprostol.

Lẹ́yìn tí a bá lo Misoprostol, àwọn àìlera míràn le jẹyọ lára àwọn obìnrin míràn tí ó le tó wákàtí tàbí ọjọ́ díẹ̀ [11]. Àwọn àìlera tí ó le jẹyọ yìí jé:

  • Ibà
  • Ìgbẹ́ gbuuru
  • Èébì
  • Orí fífọ́
  • Òtútù díẹ̀ díẹ̀
  • Ìṣọ́ra

Side_effects_during_abortion_with_pills_using_misoprostol_only

Ìṣọ́ra

Láti pagidínà ìsun ẹ̀jẹ̀ tí kìí dá àti /tàbí àkóràn, ó ṣe pàtàkì pé ní àwọn ọ̀sẹ̀ tó tẹ̀lé ẹ tàbí tí ẹ̀jẹ̀ dídà náà yóò fi ṣàn díẹ̀ [12], o ní láti ṣọ́ra fún àwọn nǹkan wọ̀nyí:

  • Má ṣe ti nǹkan bọ ojú ara rẹ, tó fi mú àwọ̀tẹ́lẹ̀ tó má ń wọ ojú ara
  • Má ṣe ṣiṣẹ́ alágbára (ère ìdárayá, gbígbé àti títì tàbí fífà nǹkan alágbára, rírìn kọjá àyè tàbí gígun àbágùnkè púpọ̀)

Àkíyèsí: kò sí ẹ̀rí ìmọ̀ràn nípa iye ìgbà tí ó ye kí o dúró kí o tó ní ìbálòpọ̀ lẹ́yìn tí o ṣẹ́yún. àmọ́ ìgbìyànjú gbogboogbò ni wípé kí o dúró kí ẹ̀jẹ̀ tí ó ki bọ́ tán, kí o sì gbó ohun tí ara rẹ ń sọ àti ìfẹ́ ọkàn rẹ. [13]

precautions-to-take-after-abortion-pills

Àmì ìkìlọ̀: wíwá ìrànlọ́wọ́

Tí o bá ní ọ̀kan lára àwọn atọ́ka àìlera wọ̀nyí, èyí jẹ́ àmì ìkìlọ̀ wípé o lè máa ní ìnira, ó sì yẹ kí o tètè wá oníṣègùn rẹ lọ.

  • Tí aṣọ nǹkan oṣù rẹ bá kún (tó kún bámú bámú láti iwájú sí ẹ̀yìn) láàárín wákàtí méjì tàbí jù bẹ́ẹ̀ lọ.
  • Ara gbígbóná ìwọ̀n cẹlṣíọ̀ṣì méjìdínlógójì (Ìwọ̀n ọgọ́rùn-ún o lé pọ́ìntì mẹ́rin Fárẹ́háíntì) tí kò sì wálẹ̀ lẹ́yìn ìgbà tí o lo ibuprofen. Ríi dájú pé o lo òṣùwọ̀n ìgbóná tàbí òtútù láti ṣe àyẹ̀wò náà.
  • Ara gbígbóná ìwọ̀n cẹlṣíọ̀ṣì méjìdínlógójì (Ìwọ̀n ọgọ́rùn-ún o lé pọ́ìntì mẹ́rin Fárẹ́háíntì) tí kò sì wálẹ̀ lẹ́yìn wákàtí mẹ́rìnlélógún tí o ti lo Misoprostol. Ríi dájú pé o lo òṣùwọ̀n ìgbóná tàbí òtútù láti ṣe àyẹ̀wò náà.
  • Ìrora tí kò dẹ̀ lẹ́yìn tí o lo ibuprofen
  • Òórùn tàbí àwọ̀ ẹ̀jẹ̀ rẹ yàtò sì ti nǹkan oṣù rẹ tàbí ó ní òórùn burúkú
  • Tí o bá ní ọwọ́, ọrùn àti ojú pípọ́n, yíyún tàbí wíwú, ó ṣeé ṣe kí ògùn náà má bá ọ lára mu. O lè lo ẹ̀rọ̀ (antihistamine) àmọ́ tí o kò bá le mí mọ́, a jẹ́ pé kò bá ọ lára mu rárá, o sì nílò láti kàn sí oníṣègùn rẹ ni kíá kíá [14]

Warning-signs-during-an-abortion-with-pills

Àwọn Ònkọ̀wé:

Nípasẹ̀ iko safe2choose àti àwọn ọ̀mọ̀rán ní carafem ní ìbámu pèlú ìmọ̀ràn ìgbìmọ̀ àpapọ̀ lórí ètò ìṣẹ́yún (NAF) ní ọdún 2020

Ìjọba orílè-èdè gbogboògbò lọ́rí ìsẹ́yún jẹ́ ẹgbẹ́ akọ́sẹ́mọsẹ́ abánisẹ́yún ní Àríwá Amẹ́ríkà

carafem ń pèse ètò ìsẹ́yún àti ìfètò sọ́mọ bíbí tí ó rọrùn tí ó sì dájú kí àwọn ènìyàn le ṣàkóso iye àti àyè tí ó wà láàrin àwọn ọmọ wọn


Orísun

[1] National Abortion Federation. 2020 Clinical Policy Guidelines for Abortion Care. Retrieved from: https://5aa1b2xfmfh2e2mk03kk8rsx-wpengine.netdna-ssl.com/wp-content/uploads/2020_cpgs_final.pdf

[2] Guttmacher institute. Early Pregnancy Failure: Misoprostol May Be Good Alternative to Surgery. Retrieved from: https://www.guttmacher.org/journals/psrh/2006/early-pregnancy-failure-misoprostol-may-be-good-alternative-surgery

[3] Platais I, Tsereteli T, Grebennikova G, Lotarevich T, Winikoff B. Prospective study of home use of mifepristone and misoprostol for medical abortion up to 10 weeks of pregnancy in Kazakhstan. Retrieved from: https://www.ncbi.nlm.nih.gov/pubmed/?term=Prospective+study+of+home+use+of+mifepristone+and+misoprostol+for+medical+abortion+up+to+10+weeks+of+pregnancy+in+Kazakhstan

[4] Gynuity. Efficacy of Misoprostol Alone for First-Trimester Medical Abortion: A Systematic Review. Retrieved from: https://gynuity.org/resources/efficacy-of-misoprostol-alone-for-first-trimester-medical-abortion-a-systematic-review

[5] Elizabeth G. Raymond, Caitlin Shannon, Mark A, Weaver, Beverly Winikoff. First-trimester medical abortion with mifepristone 200 mg and misoprostol: a systematic review. Retrieved from: https://www.contraceptionjournal.org/article/S0010-7824(12)00643-9/fulltext

[6] Livshits, Anna et al. Fertility and Sterility, Volume 91, Issue 5, 1877 – 1880. Ibuprofen and paracetamol for pain relief during medical abortion: a double-blind randomized controlled study. Retrieved from: https://www.fertstert.org/article/S0015-0282(08)00176-3/fulltext

[7] World Health Organization. Safe abortion: technical and policy guidance for health systems. Retrieved from: https://apps.who.int/iris/bitstream/handle/10665/70914/;jsessionid=B7AEEBE4F34809D869F73B1ABA7F6221?sequence=1

[8] Gynuity. providing medical abortion in low-resource settings: an introductory guidebook. Second Edition. Retrieved from: https://gynuity.org/assets/resources/clinguide_maguide2nd_edition_en.pdf

[9] Planned Parenthood. How does the abortion pill work? Retrieved from: https://www.plannedparenthood.org/learn/abortion/the-abortion-pill/how-does-the-abortion-pill-work

[10] Gynuity. Self-Assessment of Medical Abortion Outcome using Symptoms and Home Pregnancy Testing. Retrieved from: https://gynuity.org/resources/self-assessment-of-medical-abortion-outcome-using-symptoms-and-home-pregnan

[11] National Abortion Federation. Expected Side Effects of Medical Abortion. Retrieved from: https://prochoice.org/online_cme/m2expected2.asp

[12] A.R. Davis, C.M. Robilotto, C.L. Westhoff, S. Forman, J. Zhang. Bleeding patterns after vaginal misoprostol for treatment of early pregnancy failure. Retrieved from: https://academic.oup.com/humrep/article/19/7/1655/2356520

[13] Ipas. (2019). Clinical Updates in Reproductive Health. L. Castleman & N. Kapp (Eds.). Chapel Hill, NC: Ipas. Retrieved from: https://ipas.azureedge.net/files/CURHE19-april-ClinicalUpdatesInReproductiveHealth.pdf

[14] NHS. Risks-Abortion. Retrieved from: https://www.nhs.uk/conditions/abortion/risks/

Last updated on 17/11/2020

We are staying available to support you with your abortion during COVID-19.

We are closely monitoring the situation of coronavirus globally and will keep updating our information and services.

We advise our readers to:

  1. Read our latest blog post on abortion and COVID-19
  2. Follow WHO safety guidelines on COVID-19
  3. Contact our counselors