Rírí àtìlẹyìn Ìgbaninímọ̀ràn ní ìgbà tí ó bá fẹ́ sẹ́yún

Abortion Counseling

Àbùkù àti àlàyé tí kò péye lórí oyún ṣíṣẹ́ le jẹ́ kí ó ṣòro láti rí àlàyé tí o nílò. Ikọ̀ olùbánidámọ̀ràn safe2choose tí a ti kọ́ lẹ́kọ̀ọ́ oníṣègùn wà níkàlẹ̀ fún e láti ọjọ́ ajé títí dé ọjọ́ àbámẹ́ta. A jẹ́ pẹpẹ àgbáyé tí àwọn olùbánidámọ̀ràn wa sì wà ní agbègbè ago ọ̀tọ̀ọ̀tọ̀. Àsìkò ìdáhùn le titorí èyí yàtọ̀, àmọ́ gbogbo ìbéèrè la máa fèsì sí.

email counseling icon

Ìdáninímọ̀ràn orí méèlì

Tẹ àtẹ̀ráńṣẹ́ sí wa ní info@safe2choose.org nígbàkúùgbà.

FI MÉÈLÌ RÁNṢẸ́ SÍWA


live chat counseling icon

Ìdáninímọ̀ràn pẹ̀lú ìfọ̀rọ̀wérọ̀ orí ayélujára

Àwọn olùbánidámọ̀ràn wa wà níkàlẹ̀ fún ìtàkurọ̀sọ òyè láàrín ọ̀sẹ̀. Tí o kò bá rí olùbánidámọ̀ràn lórí afẹ́fẹ́ nígbàtí o bá fẹ́ bá wọn sọ̀rọ̀, jọ̀wọ́ tún gbìyànjú rẹ̀, tàbí kí o tẹ àtẹ̀ráńṣẹ́ sí wa.

BẸ̀RẸ̀ ÌFỌ̀RỌ̀WÉRỌ̀


chatbot counseling icon

Ìdáninímọ̀ràn pẹ̀lú ẹ̀rọ ìfọ̀rọ̀wérọ̀

Olùrànlọ́wọ́ orí afẹ́fẹ́ wa (ó ń bọ̀ lọ́nà) le dáhùn gbogbo ìbéèrè rẹ nígbàtí a kò bá sí lórí afẹ́fẹ́ tàbí tí iṣẹ́ bá pọ̀ lọ́wọ́ àwọn olùbánidámọ̀ràn wa. Tí o bá sì tún nílò ìrànlọ́wọ́ wa jọ̀wọ́ lo ìfọ̀rọ̀wérọ̀ wa nígbà míràn tàbí kí o tẹ àtẹ̀ráńṣẹ́ sí wa.

BÁ Ẹ̀RỌ ÌFỌ̀RỌ̀WÉRỌ̀ WA SỌ̀RỌ̀

Kí ni àwọn olùgbaninímọ̀ràn Safe2choose máa ń ṣe?

Ó máa ń nira fún àwọn obìnrin láti sọ̀rọ̀ nípa ohun tí ó máa ń ṣẹlẹ̀ nígbà tí wọ́n bá ń ṣẹ́yún nítorí bíótilẹ̀jẹ́pé ìdámẹ́ẹ̀dọ́gbọ̀n nínú ọgọ́rùn-ún (25%) oyún ní wọ́n máa ń ṣẹ́ ní àgbáyé, àwọn èèyàn ṣì máa ń tàbùkù oyún ṣíṣẹ́. A wà ní sẹpẹ́ nígbà gbogbo láti tọ ọ sọ́nà láti lè yan ìlànà tí ó dára jù fún ọ àti láti bá ọ gbaradì fún ìlànà kílànà tí o bá yàn.

Ṣiṣẹ́ oyún ni ọ̀nà tí kò béwu dé lè fẹ́ pin ni lẹ́mìí tàbí kí ó fẹ́ dojú rú. Ìdáninímọ̀ràn oyún ṣíṣẹ́ yóò gbà ọ́ láyé láti mọ onírúurú ìlànà tí ó lè lò. Àwọn olùgbaninímọ̀ràn wa yóò tẹ́tí sí ọ̀rọ̀ rẹ, wọn yóò sì ṣe àlàyé tí ó bá ipò rẹ mu fún ọ kí o lè baà lè yan ìlànà tí ó dára jù fún ọ.

Níní àtìlẹyìn àwọn akọ́ṣẹ́mọṣẹ́ obìnrin tí ó jẹ́ aláàánú àti olùtọ́jú yóò dín ìmọ̀lára ìdánìkanwà kù, a ó sì fún ọ ní ìtọ́jú àti àkíyèsí tí o nílò láì pẹ̀gàn rẹ.

Ìtọ́kasí àwọn alábáṣepọ̀ wa tí ó wà nílẹ̀

Ní àwọn ìgbà kan, àwọn obìnrin ó lè ṣẹ́yún nílé fúnra rẹ̀, wọn yóò sì lè rí àwọn òògùn ìṣẹ́yún. Nígbà mìíràn ẹ̀wẹ̀, wọn yóò nílò ìdáninímọ̀ràn oyún ṣíṣẹ́ kí wọ́n tó lè rí òògùn tàbí kí wọ́n tó lè rí ìtọ́kasí sí ọ̀dọ̀ olùtọ́jú fún oyún ṣíṣẹ́ ní ilé ìwòsàn tàbí ìtọ́jú lẹ́yìn oyún ṣíṣẹ́.

Ní àwọn irú ìgbà báyìí, àwọn ẹ̀ka wa tí ò ń ṣiṣẹ́ lórí ìbániṣiṣẹ́pọ̀ máa ń ṣiṣẹ́ kárakára láti fi orúkọ àwọn akọ́ṣẹ́mọṣẹ́ olùtọ́jú tí ó ṣe é fọkàn tán sínú àkójọpọ̀ détà alárokò. A máa ń ẹẹ̀lé ìlànà tí ó ga kí a tó lè gba àwọn olùtọ́jú tuntun yìí kí á ba à lè ríi dájú pé àwọn obìnrin tí a bá tọ́ka sí wọn kò ní rí ìpalára kankan tí wọn yóò sì pàtàkì àpọ́nlẹ́, ìfọ̀rọ̀roraẹniwò àti ìtọ́jú tí ó péye tí a mọ̀ pé ó tọ́ sí gbogbo obìnrin.

Àwọn olùdáninímọ̀ràn wa

Abortion Counseling team

Ikọ̀ olùbánidámọ̀ràn safe2choose tí a ti kọ́ lẹ́kọ̀ọ́ oníṣègùn wà níkàlẹ̀ láti pèsè ìrànlọ́wọ́ fún e láti ìbẹ̀rẹ̀ dé òpin ìṣẹ́yún rẹ. safe2choose ń bá àwọn olùbánidámọ̀ràn lórí ìṣẹ́yún ní àwọn agbègbè lágbàáyé láti ríi wípé ìdáninímọ̀ràn wa wúlò fún ẹ àti wípé ó bá ọ̀rọ̀ rẹ mu. Nítorí èyí, a ti farabalẹ̀ gbé àwọn ìgbésẹ̀ tí yóó jẹ́kí àwọn olùbánidámọ̀ràn le bá ẹ sọ̀rọ̀ lédè rẹ. Èdè tí ikọ̀ wa ń sọ lé ní mẹ́wàá: Òyìnbó, Faransé, Spanish, Portuguese, Hindi, Punjabi, Arabic, Hebrew, Kiswahili àti Wolof.

Ikọ̀ wa má ń lo ẹ̀rí àyẹ̀wò ẹlẹgbẹ́ lórí ìtọ́jú oyún ṣíṣẹ́ láti tọ́ ẹ sọ́nà, a sì tún má ń ṣe ẹ̀kọ́ òrèkóòrè láti mú ọgbọ́n wa dára síi, láti mọ àwọn ìtọ́jú oyún ṣíṣẹ́ tuntun tí ó wà lágbàáyé àti àwọn ìwádìí, àti láti le yanjú àwọn ọ̀rọ̀ tó polúkúrúmuṣu.

Ọ̀nà ìdáninímọ̀ràn wa fìdímúlẹ̀ nínú ìyọ́nú bẹ́ẹ̀ni kò sì ní ìdájọ́ nínú. Àárín wa ni gbogbo ohun tí o bá bá wa sọ wà, gbogbo ohun tí a bá sì jọ sọ ni a ó parẹ́ tí a bá ti yanjú ohun tí ó gbé ẹ wá tí o kò sì nílò ìrànlọ́wọ́ wa mọ́.