Maaari Ka Bang Magpa-laglag sa Unang Buwan ng Iyong Pagbubuntis sa Pilipinas? Mga Dapat Mong Malaman

Sa Pilipinas, mahigpit pa rin ang batas pagdating sa pampaglaglag. Sa kabila nito, maraming mga kababaihan ang naghahanap ng mapagkakatiwalaang impormasyon ukol sa self-managed abortion o pampalaglag. Kung nais mong magpalaglag, mahalagang malaman ang tungkol sa batas, mga maaaring mapagkukunan ng tulong, at kung paano mananatiling ligtas.

Legal ba ang Aborsyon sa Pilipinas? Unawain ang Batas

Ayon sa batas ng Pilipinas, bawal ang pampalaglag at walang legal na pasilidad na nagbibigay ng serbisyo para dito. Gayunpaman, kinikilala ang self-managed abortion gamit ang pills na ligtas kung tama at may gabay ang paggamit. Pero dahil bawal ito sa Pilipinas, may mga hamon pa rin para sa mga may gustong gumamit nito.

Mga Ligtas na Paraan ng Pampaglaglag sa Unang Buwan ng Pagbubuntis

Self-Managed Abortion gamit ang Pills (Mifepristone at Misoprostol)

Ayon sa World Health Organization (WHO), ligtas at epektibo ang mga gamot na ito para sa maagang pagbubuntis. Bagama't maaaring gamitin ito ng mga buntis na lampas 13 linggo, mas mainam itong gawin sa unang mga linggo ng pagbubuntis, gabay ng tamang impormasyon.

Paano Gamitin ang Pampaglaglag Gamit Ang Pills?

1. Inumin ang 1 Mifepristone (200mg) – Lunukin ito kasabay ng tubig. Pinipigilan nito ang hormone na nagpapatuloy ng pagbubuntis. Kung nasuka ka sa loob ng 30 minuto, ulitin ang dose kung may ekstrang tableta.
2. Maghintay ng 24 oras ngunit hindi lalampas ng 48 oras bago gawin ang susunod na hakbang.
3. Uminom ng 800mg Ibuprofen (o iba pang pain reliever) 30 minuto bago ang Misoprostol para mabawasan ang pananakit.
4. Ilagay ang 4 Misoprostol (200mcg bawat isa) sa ilalim ng dila. Hayaan itong matunaw sa loob ng 30 minuto. Pwede mong lunukin ang laway mo, pero huwag kumain o uminom sa loob ng 30 minuto. Pagkalipas ng 30 minuto, uminom ng tubig at lunukin ang natirang bahagi ng mga gamot.
5. Kung nasuka sa loob ng 30 minuto, ulitin inumin ang dose ng Misoprostol.
6. Dapat magsimula ang pagdurugo at pananakit ng puson sa loob ng ilang oras. 
7. Kung mas mababa sa 9 na linggo ang ipinagbubuntis mo, hindi mo na kakailanganin ng pangalawang dose. Kung walang pagdurugo sa loob ng 24 oras, uminom ulit ng 4 na tableta ng Misoprostol sa parehong paraan.
8. Kung nasa 9-13 linggo ang ipinagbubuntis mo, mainam na uminom ng 4 pang tableta ng Misoprostol sa parehong paraan 4 na oras matapos ang unang dose.
9. Bantayan ang mga sintomas at humingi ng gabay kung kinakailangan.

Ligtas at epektibo ang Mifepristone at Misoprostol. Pero mahalagang malaman ang posibleng side effects: 

Mga Karaniwang Epekto:

• Inaasahang Epekto:
• • Pananakit ng puson at pagdurugo: Natural na epekto ito ng pills, ibig sabihin umeepekto na ito.
• Iba Pang Mga Posibleng Epekto:
• • Lagnat at panginginig: Maaaring tumaas nang bahagya ang temperatura ng katawan o makaramdam ng ginaw.
  • Pagkahilo at pagsusuka: Pakiramdam na parang masusuka o aktwal na pagsusuka.
  • Pagtatae: Malambot o malabnaw na dumi.

Kadalasang panandalian lang ang mga epekto na ito at hindi na kailangang gamutin.

Kailan Dapat Magpatingin sa Doktor?

Nararapat lamang na bantayan ang iyong katawan habang sumasailalim sa prosesong ito. Dapat kang humingi ng agarang tulong medikal kung maranasan mo ang mga sumusunod:

• Matinding pagdurugo – Kung napupuno mo ang 2 o higit pang napkin kada oras sa loob ng dalawang magkasunod na oras.
• Matinding pananakit ng tiyan – Kung hindi nawawala kahit inuman ng pain relievers.
• Mataas na lagnat – Temperaturang higit sa 38°C at tumagal ng higit sa 24 oras.
• Mabahong discharge mula sa ari – Mabaho o may kakaibang kulay na discharge ay maaaring senyales ng impeksyon.
• Kung nakakaranas ka ng allergic reaction tulad ng pamumula, pangangati, o pamamaga ng kamay, mukha, o leeg, maaari kang uminom ng antihistamine.
• Kung hirap kang huminga, agad na magpatingin sa doktor.

Ang pagkilala sa mga senyales na ito ay nakakatulong para agad makakuha ng atensyong medikal kung kinakailangan.

Pag-alaga sa Sarili Pagkatapos ng Aborsyon:

Pagkatapos gumamit ng abortion pills, isaalang-alang ang mga sumusunod:

• Maaari kang bumalik sa iyong normal na gawain kapag handa ka na.
• Gumamit muna ng pads para makita kung gaano karami ang pagdurugo. Maaari kang gumamit ng tampon o menstrual cup kapag komportable ka na.
• Bantayan ang mga sintomas: Obserbahan ang anumang kakaibang sintomas at kumonsulta sa isang healthcare provider kung kinakailangan.

Ang tamang pag-aalaga pagkatapos ng aborsyon ay nakakatulong sa mabilis na paggaling.

Pag-alaga sa Sarili Pagkatapos ng Uminom ng Pampalaglag:
Pagkatapos gumamit ng pampalaglag, isaalang-alang ang mga sumusunod:

• Magpahinga
• Iwasang magpasok ng kahit ano sa ari: Huwag gumamit ng tampon o makipagtalik nang hindi bababa sa isang linggo upang maiwasan ang impeksyon.
• Maging mapanuri sa mga sintomas: Bantayan ang anumang hindi pangkaraniwang sintomas at kumonsulta sa isang healthcare provider kung kinakailangan.

Ang maayos na pag-aalaga sa sarili pagkatapos ng pampalaglag ay nakakatulong sa mabilis na paggaling.

Mga Herbal o Alternatibong Paraan

• May ilang tao na sumusubok gumamit ng mga halamang gamot, ngunit hindi ito napatunayang epektibo o ligtas.
• Mas mainam na gumamit ng aprubadong pamamaraan kaysa sa mga hindi kumpirmadong alternatibo.

Pagsaalang-alang sa Batas at Epekto sa Kalusugan

• Bawal sa batas: Bagaman nananatiling ipinagbabawal ang aborsyon sa ilalim ng batas ng Pilipinas, isinusulong ng mga grupong pangkarapatang pantao ang pagkakaroon ng ligtas na serbisyong pang-reproduktibong kalusugan.
• Kalusugan at kaligtasan: Itinuturing na ligtas ang medikal na aborsyon kapag isinagawa ayon sa mga alituntunin ng WHO. Ang pagkakaroon ng maaasahang impormasyon at suporta ay nakatutulong upang mabawasan ang panganib.
• Pangangalaga pagkatapos gumamit ng pampaglaglag: Legal na obligasyon ng mga ospital na magbigay ng pangangalaga pagkatapos ng aborsyon, at ang paghingi ng tulong medikal ay hindi awtomatikong magdudulot ng legal na kaso. Hindi natutukoy ang paggamit ng abortion pills kapag ginamit ito sa ilalim ng dila, kaya ang pagsasabi ng paggamit nito ay personal na desisyon.

Iba pang mga Opsyon

• Pagsuri sa Maaasahang Impormasyon: May mga organisasyong nagbibigay ng pribadong gabay at suporta tungkol sa ligtas na pamamaraan ng pampalaglag.
• Pagpunta sa ibang bansa: Ang ilang mga Pilipina ay nagtutungo sa mga bansang legal ang pampalaglag tulad ng Thailand, Vietnam, o Cambodia.

Mga Karaniwang Itinatanong

• Saan makakakuha ng pampaglaglag na gamot sa Pilipinas? Bagaman hindi legal na mabibili ang abortion pills, may mga internasyonal na organisasyon na nagbibigay impormasyon ng mga mapagkukunan at gabay para sa ligtas na sariling pamamahala ng aborsyon.
• Ano ang panganib ng self-managed abortion? Kung susundin ang tamang paraan, ligtas ito. Gayunpaman, mayroong kaunting, hindi pangkaraniwang panganib sa kalusugan, at ang mga legal na limitasyon sa Pilipinas ay maaaring magdulot ng dagdag na hamon.

Tingnan ang aming FAQs page para sa higit pang impormasyon tungkol sa sariling pamamahala ng aborsyon.

Pagpapasya nang May Kaalaman

Ang pagharap sa hindi planadong pagbubuntis sa Pilipinas ay maaaring maging mahirap dahil sa mga legal na restriksyon at stigma. Mahalaga na magkaroon ng tamang impormasyon, humingi ng suporta mula sa mga pinagkakatiwalaang organisasyon, at unahin ang iyong kalusugan at kaligtasan. Makakakuha ka ng kumpidensyal na tulong mula sa mga internasyonal na organisasyong tulad ng safe2choose, na nagbibigay ng wastong impormasyon at gabay batay sa ebidensya. Maaari ka ring magbasa pa tungkol sa aborsyon sa Pilipinas.

Para sa mas personal na suporta, maaari kang makipag-ugnayan sa mga sinanay na tagapayo ng safe2choose na handang magbigay ng kumpidensyal at hindi mapanghusgang gabay upang matulungan kang makagawa ng tamang desisyon. Maaaring mong subukan ang aming serbisyo sa pagpapayo.