Nakozesa Misoprostol Naye Sinnaba Kugenda mu Nsonga Zange Ezekikyala

Bw’oba waggyamu olubuto n’empeke, osanga wakozesa eddagala erimanyiddwa nga Misoprostol. Oluvannyuma lw’okukozesa empeke y’okuggyamu embuto, oyinza okuba webuuza nti, “Nnamala okumira Misoprostol, ddi lwe ndiddamu okugenda mu nsonga eza bulijjo?” Wadde oyinza okweraliikirira, kikulu okumanya obusimu bwo era okugenda mu nsonga kijja kutwala ekiseera okudda mu mbeera eya bulijjo. Omubiri gwa buli muntu n’obumanyirivu bwe oluvannyuma lw’okuggyamu embuto bya njawulo.

Olubuto lukyusa omubiri gwo mu ngeri nnyingi, era, kiyinza okukutwalira ekiseera okudda mu mbeera gye gwalimu. N’olwekyo, oyinza okutwala akasela okudda mu nsonga. Ekitundu kino kigenda kwogera ku Misoprostol ne by’oyinza okusuubira ng’ogenze mu nsonga oluvannyuma lw’okuggyamu olubuto.

H2: Misoprostol ekola etya?

Empeke y’okuggyamu embuto etera okubaamu ebika by’eddagala bibbiri: Mifepristone ne Misoprostol. Mifepristone ekomya olubuto okula. Kino kikikola nga eziyiza obusimu obuyitibwa progesterone, obusimu obukulu mu nkula y’olubuto. Okuziyiza obusimu bwa progesterone  kiyimiriza  enkula y’olubuto. Naye, Mifepristone yekka tasobola kuggyamu lubuto. Yetaaga okugattibwako Misoprostol egenda okuyamba nnabaana okukonziba n’okufulumya ebiba bili mu nnabana.

Misoprostol y’empeke eyookubiri mu nkola y’okuggyamu embuto, naye oluusi y’empeke yokka gy’omira. Omulimu gwa misoprostol kwe kuggyamu ebintu ebibela mu nnabaana (1).

Kinatwala bbanga ki okugenda mu nsonga oluvannyuma lw’okuggyamu olubuto?

Enzirukanya ye nsonga zo ezekikyala eyinza okuddamu mu wiiki nga 4-6. Obuzaale bwo busobola okudda amangu ddala, ekitegeeza nti osobola okufuna olubuto nga wayiseewo akaseera katono nnyo ng’omaze okuggyamu olubuto, mu wiiki bbiri zokka, singa weegatta nga tolina bukuumi.

Era kirungi okukijjukira nti abantu abamu tebalina nsonga za bulijjo, ekiyinza okukosa ekiseera kyabwe bwe kidda mu nsonga, nabo. Bw’oba oyagala okutangira olubuto lw’otoyagala, kirungi n’otandika amangu ddala enkola y’okuziyiza okuzaala kubanga osobola okutandika okufulumya eggi nga wayise ennaku 8 ng’omaze okuggyamu olubuto. Osobola okunyumya ne Myka okumanya ebisingawo ku ngeri gy’oyinza okulondamu.

Bw’oba tolina ddagala liziyiza kuzaala ate nga n’okutuusa kati tonnagenda mu nsonga, tofaayo. Kiyinza okutwala wiiki 6 okuddamu okugenda mu nsonga. Bw’oba togenda mu nsonga mu wiiki munaana ng’omaze okuggyamu olubuto, genda ew’omusawo oba mu ddwaaliro okwekebejjebwa

Ntegeera ntya oba omusaayi gwe ndaba gwa nsonga zange?

Oluvannyuma lw’okuggyamu olubuto, kya bulijjo nnyo okuvaamu omusaayi okumala ennaku oba wiiki ntono. Wadde nga kiva ku kuggyamu olubuto, abamu bayinza okukitwala nti bagenda mu nsonga. Waliwo akakwate wakati w’ebika bino ebibiri eby’okuvaamu omusaayi, naye era waliwo enjawulo enkulu.

Okuvaamu omusaayi okwekuusa ku kuggyamu embuto mu bujjuvu kujja kuba muzito nga bwabitole n’ebitundu ebibeerawo nga byawukana mu bunene okusinziira ku bbanga ly’olubuto lwe lwali. Ebbanga ly’okuvaamu omusaayi omungi n’amaanyi g’obulumi byawukana okusinziira ku muntu. Olubuto bwe luba luto, n’omusaayi omutono ogwe’bitole gusobola okulaga nti okuggyamu olubuto kukoze.

Olubuto olusukka mu wiiki 10, oyinza okulaba oba okuwulira embuto oba omwana ali mu lubuto ng’avuddeyo. Kino kitundu kya butonde mu nkola eno, era kya bulijjo ddala. Kino bwe kibaawo, osobola okusalawo okugizinga mu paadi oba okugisuula ng’ogifuuwa wansi mu kaabuyonjo – kyonna ekikuwulira nga kikusaanira.

Bino byonna bya bulijjo era kitegeeza nti eddagala likola. Tuliwo okukuwagira bw’oba weetaaga okwogera.

Nddukanya ntya omusaayi ogujja oluvannyuma lw’okuggyamu olubuto?

Oluvannyuma lw’okuggyamu olubuto, osobola okukozesa enkola gy’olonze okuddukanya omusaayi gwo. Kuno kw’ogatta paadi, tampon oba ekikopo ky’okugenda mu nsonga. Oyinza okwagala okukozesa paadi osobole okulondoola obungi bw’omusaayi gw’ovaamu, era osobola okukyusa n’odda ku tampon oba ekikopo ky’omu nsonga amangu ddala ng’owulira bulungi.

Bw’otuuka ekiseera n’oddamu okugenda mu nsonga, osobola okukikwasaganya ngeri y’emu nga bwobade okola.

Kisoboka okuba nga nkyali lubuto?

Empeke y’okuggyamu embuto ekola nnyo, n’olwekyo bw’omira mu butuufu, kizibu okuba nti okyali lubuto. Ebibalo wansi biraga engeri gye kikolamu ddala.

• Okukozesa omugatte gwa Mifepristone ne Misoprostol kikola ebitundu 95-98%, era
• Okukozesa Misoprostol yokka kikola ebitundu 95%.

Wadde nga ekola nnyo, waliwo emirundi mitono nnyo empeke eno gy’etakola. Bw’oba ​​nga oluvannyuma lwa wiiki munaana tonagenda mu nsonga oba ng’oteebereza nti olubuto telwavamu bulungi,tuukirira omusawo oba eddwaaliro ly’ebyobulamu oba noonya okubudaabudibwa ku kuggyamu embuto. Okuggyamu embuto mu butali bujjuvu kuyinza okukwasaganyizibwa mu ddwaaliro (3).

Mu bufunzi

Okuggyamu embuto mu ngeri etali ya bulabe kikola nnyo bwe kituuka ku kuggyawo olubuto. Wadde kiri kityo, kya bulijjo omubiri gwo okukyuka ne gutwala akaseera okudda mu mbeera eya bulijjo oluvannyuma lw’okuggyamu olubuto. Bw’oba okozesezza empeke y’okuggyamu embuto, kikulu okukuuma ebintu bino ebikulu mu birowoozo:

• Kiyinza okutwala wakati wa wiiki nnya n’omunaana okuddamu okugenda mu nsonga 
• Ebbanga ly’onootwala okutuuka mu nsonga lijja kusinziira ku oba oli ku ddagala ly’okuzaala, era bwe kiba bwe kityo, liri ki.
• Tekisuubirwa nti okyali lubuto kuba empeke y’okuggyamu embuto ekola okutuuka ku bitundu 95%.
• Bw’oba oluvannyuma lwa wiiki munaana n’okutuusa kati togenda mu nsonga, funa amagezi g’abasawo. Kyokka buli muntu wa njawulo. Wadde ng’abantu abamu bagenda mu nsonga buli kiseera, abamu tebazifuna buli kiseera, era ekyo si kibi. Ekikulu kwe kutegeera omubiri gwo n’okwesomesa naddala ng’olina embeera endala ez’obujjanjabi. Wuliriza omubiri gwo.

Bw’oba ​​oluvannyuma lwa wiiki munaana togenda mu nsonga, funa amagezi g’abasawo. Kyokka buli muntu wa njawulo. Wadde ng’abantu abamu balina cycles ezitelela amangu, abamu tebalina, era ekyo si kibi. Ekikulu kwe kutegeera omubiri gwo n’okwesomesa naddala ng’olina embeera endala ez’obujjanjabi. Wuliriza omubiri gwo.

Bw’oba ​​olina okubuusabuusa era ng’oyagala okukakasa oba olubuto lwavammu, genda wano omanye ekigezo ky’olina okukola ne ddi lwolina okukikola. Osobola n'okwongela okwebuuza wano.