De abortion medicine na make you use Mifepristone and Misoprostol together or make you use only Misoprotol. Dis page dey give informate wey full ground about how to use only Misoprostol for abortion with medicine. If na only Mifepristone dey wey you fit buy, abeg see dis guide
Before you start
To combine Mifepristone and Misoprostol go work well well  if you wan commot belle wey dey 13 weeks
Remember say dis informate na for abortion with medicine for belle wey dey 13 weeks or less, if you count from de first day of your last period [1,2]. Since we no get de training to support abortion wey de belle don pass 13 weeks, we go do our best to send you to person wey fit handle de matter.
To dey sure say dis method go safe for you, we go advise say make you go read de last session about de wahala wey fit happen if you use abortion medicine. If you no sure say e go good for you, contact us.
Mifepristone and Misoprostol dosage
Mifepristone and Misoprostol dosage for women wey dia belle dey under 9 week: you go need 1 tablet of Mifepristone and 4 tablet of Misoprostol. And we go advise say make you hold extra 4 tablet of Misoprostol (total na 8 tablet of Misoprostol). 
Mifepristone and Misoprostol dosage for women wey dia belle dey between 9-13 week: you go need 1 tablet of Mifepristone and 8 tablet of Misoprostol. if e difficult to get 8tablet, you fit use only 4tablet of Misoprostol, but the effectiveness of the medicine go reduce. you go need to call our person wey go advise you. [1.2,3]
You go need 1tablet of Mifepristone and 8tablet of Misoprostol.
If e difficult to get 8tablet of Misoprostol, you fit use only 4tablet of Miaoprostol, ut the effectiveness of the medicine go reduce, eo go better to call our person wey go advise you.
If your belle dey between 10-13 weeks , e deh very important sey you use 8tablet of Misorostol. [1,2,3]
De Mifepristone medicine suppose be 200 mg (or reach 200 mg) and one one of de Misoprostol medicine suppose be 200 mcg. 
If de medicine wey you dey get get different dosage of mg and/or mcg, you go need to calculate am again to know de total number of medicine you fit take, so you go fit use de correct amount of medicine.
If you get any question, abeg no delay, contact us. We dey here to support you throughout your abortion.
How you go take take Mifepristone and Misoprostol for safe abortion
Step 1: Swallow de Mifepristone medicine wit water
If you throw up 30 minutes after you don take de medicine, e mean say de medicine fit no work. You go need to take de medicine again and repeat Step 1. If not, contact us
Wait 24-48 hours
Inside dat time, difference no dey if e concern whether Misoprostol go work well.
You don take Misoprostol go start sharp sharp. So, choose time wey go make sense for you. Wey you dey house and you no get anything wey you need to do.
Step 2: Take 800 mg of Ibuprofen
You no need to do dis one, but e go betta if you do am. Ibuprofen go reduce de belle pain and e go help you reduce any wahala like headache . Remember say, you fit use Ibuprofen throughout de abortion and after wen you need am. Women wey Ibuprofen and NSAIDs no good for dia bodi fit go read de question wey people dey always ask for advise as e take concern dis matter.
If you get medicine wey no go let you dey feel like say you wan vomit, den you fit take am.
Wait for 1 hour
Step 3: Put 4 Misoprostol medicine under your tongue (sublingual) for 30 minutes.
E dey important make you put de medicine under your tongue for like 30 mins so dat dem go enter your bodi well well. After 30 minutes, put water inside your mouth, shake am, and swallow any pieces of medicine wey remain for your mouth. 
If you vomit inside 30 minutes we de Misoprostol medicine dey under your tongue, e dey very possible make dem no work. E go betta if you take step 3 again.
If you vomit after de medicine don dey under your tongue for 30 minutes, you no need to take step 3 again, because de medicine don already dey inside your bodi.
Wait for 3 hours
Step 4: you go repeat step 3, then you go put anoda 4 Misoprostol medicine under your tongue (sublingual) for 30 minutes.
Bleeding dey start within the several hours, if 24hours don reach since when you take the first 4tablet of Misoprostol and you still neva start to dey bleed or feel pain for belle. Call us. No use any medicine again until we don check your matter
Wetin you go see wen you take Misoprostol for abortion
After you don take Mifepristone, many women no dey see or feel anything. If you see blood after you take Mifepristone, e dey important make you use Misoprostol so dat de abortion go work. 
After you don take Misoprostol, you go feel pain for your belle and you go see blood. Some women (no be all) go dey see thick thick blood. You no go know wen de belle pain and de blood go start. Most times, e dey start inside 24 hours, but e fit e be many hours later. 
Blood wey you go see suppose plenti pass de blood wey you dey see wen you dey do your period, or at least dem fit be de same thing. De blood go dey come of and on for many days or weeks sef after you don use de medicine. De blood wey you go dey see, and de sign say belle dey your bodi go dey go small small as day dey pass. 
For women wey dia belle dey between 10-13 weeks, you go still dey see blood and dey feel pain, and you fit also see de small thing we don dey form as pikin wen e go come out . Many times, e dey mix with de blood wey you go see and you fit no know sef say e don come out. But even if you see am and you sabi am, e dey normal. Nothing spoil, just wrap am inside sanitary pad, or you fit flush am inside toilet.
Remember say abortion different, wetin people go experience dey different and e no be de same from woman to woman.
Many women who commot belle no feel as if dem get belle again for like 5 days after dem don use Misoprostol. If de sign say you get belle dey reduce and start to dey disappear after you don use de medicine, dis na good sign say de belle don commot. 
De wahala wey fit show face wen you take Mifepristone and Misoprostol
After you don use Misoprostol, de wahala wey you fit see fit last for few hours or days . Dem be:
- Make bodi dey hot
- Dey shit anyhow
- Wan be like say you wan vomit/you dey vomit
- Make cold dey catch person
To avoid too much blood and/or infection, e go betta if for de coming week or until de blood don reduce , make you:
- No put anything inside your toto like de pad wey dem dey shuk inside toto, menstrual cup
- No do serious work wey dem dey use muscle do (exercise, carry or push or pull heavy load, trek pass normal, dey climb to many steps)
Note: No evidence talk say you fit wait so so so time before you nack again after you don use de abortion medicine, but we go advise say make you hold bodi until de blood stop and make you listen to your bodi and your desire. 
Wen alarm don blow: dey find help
If any of dis things happen to you, just know say alarm don dey blow and say serious gbege don dey happen. Just run like say fire dey burn you go meet your healthcare people:
- If you use two or more pads (de dey soaked front to back, side to side) inside 1 hour or less and dis last for 2 hours or pass sef.
- Your bodi dey hot like oven of 38 degrees Celsius (100.4 degrees Fahrenheit) and e no reduce even wen you take Ibuprofen. Use thermometer check am.
- Your bodi dey hot like oven of 38 degrees Celsius (100.4 degrees Fahrenheit) and e no reduce after 24 hours wey you take Ibuprofen. Use thermometer check am.
- Pain no reduce after you take ibuprofen.
- De colour or de smell of your blood dey different from your normal period or de smell bad.
- If your hand, neck, and face dey red, swell up or e dey scratch you. E fit mean say de medicine no good for your bodi. You fit use antihistamine, but if you dey find am hard to breathe, den na very serious gbege be dat, dem gas carry you rush go hospital sharp sharp. 
by the safe2choose team and supporting experts at carafem, based on the 2020 and recommendations by The National Abortion Fund (NAF).
carafem dey give confam care and advise on how you go plan your family so you fit control the number of pikin you go born and know how you fit put space for them.
Ipas na the only international organization wey dey make sure sey people dey get help for safe abortion and contraceptive care.
WHO na specialized agency for United Nations wey dey take care of people health thoughout the wholeworld
 World Health Organization. Safe abortion: technical and policy guidance for health systems. Retrieved from: https://apps.who.int/iris/bitstream/handle/10665/70914/;jsessionid=AB2B02D2E41FB4F6CF95B5F59B0A9AF4?sequence=1
 Ipas. (2020). Clinical Updates in Reproductive Health. L. Castleman & N. Kapp (Eds.). Chapel Hill, NC: Ipas. Retrieved from: https://www.ipas.org/wp-content/uploads/2020/08/ClinicalUpdatesInReproductiveHealthCURHE20-English-digital.pdf
 World Health Organization. Clinical guidelines for safe abortion. 2014. Retrieved from: https://apps.who.int/iris/bitstream/handle/10665/97415/9789241548717_eng.pdf?sequence=1
 National Abortion Federation. 2020 Clinical Policy Guidelines for Abortion Care. Retrieved from: https://5aa1b2xfmfh2e2mk03kk8rsx-wpengine.netdna-ssl.com/wp-content/uploads/2020_cpgs_final.pdf
 Guttmacher institute. Early Pregnancy Failure: Misoprostol May Be Good Alternative to Surgery. Retrieved from: https://www.guttmacher.org/journals/psrh/2006/early-pregnancy-failure-misoprostol-may-be-good-alternative-surgery
 Platais I, Tsereteli T, Grebennikova G, Lotarevich T, Winikoff B. Prospective study of home use of mifepristone and misoprostol for medical abortion up to 10 weeks of pregnancy in Kazakhstan. Retrieved from: https://www.ncbi.nlm.nih.gov/pubmed/?term=Prospective+study+of+home+use+of+mifepristone+and+misoprostol+for+medical+abortion+up+to+10+weeks+of+pregnancy+in+Kazakhstan
 Gynuity. Efficacy of Misoprostol Alone for First-Trimester Medical Abortion: A Systematic Review. Retrieved from: https://gynuity.org/resources/efficacy-of-misoprostol-alone-for-first-trimester-medical-abortion-a-systematic-review
 Elizabeth G. Raymond, Caitlin Shannon, Mark A, Weaver, Beverly Winikoff. First-trimester medical abortion with mifepristone 200 mg and misoprostol: a systematic review. Retrieved from: https://www.contraceptionjournal.org/article/S0010-7824(12)00643-9/fulltext
 Livshits, Anna et al. Fertility and Sterility, Volume 91, Issue 5, 1877 – 1880. Ibuprofen and paracetamol for pain relief during medical abortion: a double-blind randomized controlled study. Retrieved from: https://www.fertstert.org/article/S0015-0282(08)00176-3/fulltext
 Gynuity. providing medical abortion in low-resource settings: an introductory guidebook. Second Edition. Retrieved from: https://gynuity.org/assets/resources/clinguide_maguide2nd_edition_en.pdf
 Planned Parenthood. How does the abortion pill work? Retrieved from: https://www.plannedparenthood.org/learn/abortion/the-abortion-pill/how-does-the-abortion-pill-work
 Gynuity. Self-Assessment of Medical Abortion Outcome using Symptoms and Home Pregnancy Testing. Retrieved from: https://gynuity.org/resources/self-assessment-of-medical-abortion-outcome-using-symptoms-and-home-pregnan
 National Abortion Federation. Expected Side Effects of Medical Abortion. Retrieved from: https://prochoice.org/online_cme/m2expected2.asp
 A.R. Davis, C.M. Robilotto, C.L. Westhoff, S. Forman, J. Zhang. Bleeding patterns after vaginal misoprostol for treatment of early pregnancy failure. Retrieved from: https://academic.oup.com/humrep/article/19/7/1655/2356520
 NHS. Risks-Abortion. Retrieved from: https://www.nhs.uk/conditions/abortion/risks/
 De Nonno LJ, Westhoff C, Fielding S, Schaff E. Timing of pain and bleeding after mifepristone-induced abortion. Retrieved from: https://www.ncbi.nlm.nih.gov/pubmed/11239617