Laki ng tekstoLaki ng teksto

Mga Uri ng In-Clinic na Aborsyon

Ang in-clinic na aborsyon ay isang medikal na pamamaraan na ginagamit upang wakasan ang pagbubuntis o gamutin ang miscarriage. Minsan itong tinatawag na surgical abortion o procedural abortion, at maaari ring tukuyin batay sa partikular na paraan, tulad ng aspiration abortion. May iba't ibang uri ng in-clinic abortion depende sa kung gaano na katagal ang pagbubuntis. Ipapaliwanag ng pahinang ito ang bawat uri ng procedure at kung ano ang maaaring asahan sa proseso.

LAHAT NG KAILANGAN MONG MALAMAN

Ano ang In-Clinic na Aborsyon?

Ang in-clinic na aborsyon ay isang medikal na pamamaraan na gumagamit ng mga instrumento o suction upang wakasan ang pagbubuntis o i-manage ang miscarriage. Ito ay isinasagawa ng mga trained na healthcare provider sa isang klinika o ospital.

Medical setup with suction instruments and electric devices representing in-clinic abortion by trained healthcare providers.

Ang in-clinic na aborsyon ay isang medikal na pamamaraan na isinasagawa ng mga trained na healthcare provider sa isang klinika o ospital. Sa pangkalahatan, ligtas ang mga pamamaraang ito at humigit-kumulang 99% ang bisa. Gayunpaman, maaaring mag-iba ang karanasan at antas ng kaligtasan depende sa uri ng procedure at kung gaano na katagal ang pagbubuntis.

Gumagana ang in-clinic abortion sa pamamagitan ng paggamit ng gamot o medikal na teknik upang unti-unting buksan ang cervix (tinatawag na dilation). Kapag bukas na ang cervix, inaalis ang pagbubuntis mula sa matres gamit ang suction, mga surgical instrument, o sa pamamagitan ng pagpapasimula ng contraction upang tuluyang mailabas ang laman ng matres.

Ang ilang procedure ay mabilis at maaaring gawin bilang outpatient, habang ang iba naman ay nangangailangan ng pananatili sa klinika o ospital para sa masusing pagmamanman at paggaling, lalo na sa mga mas huling yugto ng pagbubuntis.

Ano ang Iba’t Ibang Pamamaraan ng In-Clinic na Aborsyon?

May ilang ligtas na uri ng in-clinic abortion na maaaring pagpilian, depende sa haba ng pagbubuntis (gestational age). Dahil may pagkakapareho sa gestational age ng iba’t ibang pamamaraan, maaaring maapektuhan ang desisyon ng lokasyon, pagkakaroon ng gamit sa klinika, at kagustuhan ng provider o ng pasyente.

Manual Vacuum Aspiration (MVA) – Isang uri ng uterine aspiration na karaniwang ginagamit hanggang 14 linggo ng pagbubuntis

Electric Vacuum Aspiration (EVA) – Isa ring uterine aspiration na kadalasang ginagamit hanggang 16 linggo

Dilation and Evacuation (D&E) – Karaniwang ginagamit kung ang pagbubuntis ay lagpas na sa 14 linggo

Induction Abortion – Kadalasang ginagawa kung ang pagbubuntis ay lagpas na sa 16 linggo

Dilation and Curettage (D&C) – Isang luma at bihira nang gamitin na paraan, na pinalitan na ng mas ligtas at mas epektibong uterine vacuum aspiration at D&E methods

Bisitahin at i-download ang infographic tungkol sa iba't ibang paraan ng aborsyon para sa bawat ilang linggo ng iyong pagbubuntis.

Bisitahin at i-download

Ano ang Manual Vacuum Aspiration (MVA) ?

Ang Manual Vacuum Aspiration (MVA) ay isang napaka-ligtas na paraan ng aborsyon para sa mga pagbubuntis sa unang trimester at/o maagang bahagi ng ikalawang trimester, hanggang sa 14 na linggo ng pagbubuntis. Ang limitasyon sa gestational age para sa MVA ay maaaring mag-iba depende sa klinika at sa healthcare provider na magsasagawa ng procedure.

Tuklasin ang detalye

Ang MVA ay isinasagawa ng isang trained na provider sa klinika.

Sa procedure, gumagamit ang clinician ng mga instrumento kabilang ang tahimik na suction device upang alisin ang pagbubuntis mula sa matres. Karaniwang ginagamit ang lokal na anesthesia habang gising ang pasyente, at tumatagal ito ng humigit-kumulang 5 hanggang 10 minuto. Maaaring makaranas ng pananakit o paninikip ng tiyan (cramping) habang isinasagawa ang procedure. Maari ding magkaroon ng paulit-ulit na pagdurugo sa loob ng ilang araw o linggo pagkatapos ng procedure.

Ano ang Electric Vacuum Aspiration (EVA) na Aborsyon?

Ang Electric Vacuum Aspiration (EVA) ay isang ligtas at halos katulad na paraan ng Manual Vacuum Aspiration (MVA). Maaaring gamitin ang EVA para sa mga pagbubuntis sa unang trimester at/o maagang bahagi ng ikalawang trimester, hanggang 16 na linggo ng pagbubuntis. Isinasagawa ito ng isang trained na provider sa klinika.

Tuklasin ang detalye

Sa procedure, gumagamit ang clinician ng mga instrumento, kabilang ang electric vacuum suction device, upang alisin ang pagbubuntis mula sa matres.

Ang pangunahing pagkakaiba ng EVA at MVA ay ang paggamit ng kuryente sa EVA upang makalikha ng suction. Dahil nangangailangan ito ng kuryente, maaaring hindi ito available sa mga lugar na kulang sa resources. Kung available ang EVA, kadalasang mas pinipili ito ng ilang clinician kaysa sa MVA dahil mas mabilis itong isagawa, kaya mas maikli ang tagal ng procedure. Isa pang pagkakaiba ay maingay ang EVA machine dahil ito ay pinapagana ng kuryente.

Ano ang Dilation and Evacuation (D&E)?

Ang Dilation and Evacuation (D&E) ay isa sa mga pinaka-karaniwang ginagamit na pamamaraan para sa aborsyon sa ikalawang trimester (13 hanggang 24 na linggo ng pagbubuntis). Ang procedure na ito ay karaniwang isinasagawa sa klinika o ospital ng isang kwalipikado at experienced na healthcare provider, at tumatagal ng humigit-kumulang 10 hanggang 30 minuto. Karamihan sa mga pasyente ay maaaring makauwi sa parehong araw at mabilis na makabawi. Kapag isinagawa ng trained provider, ang D&E ay ligtas na in-clinic na opsyon para wakasan ang pagbubuntis.

Tuklasin ang detalye

Dilation: Ang cervix (ibabang bahagi ng matres) ay unti-unting binubuksan gamit ang gamot o medikal na instrumento upang ma-stretch ito. Ang proseso ng dilation ay maaaring tumagal ng ilang oras hanggang ilang araw, depende sa haba ng pagbubuntis.

Evacuation: Kapag sapat na ang pagbubukas ng cervix, aalisin ng trained provider ang pagbubuntis mula sa matres gamit ang suction at mga espesyal na instrumento gaya ng forceps. Kadalasang ginagamit ang ultrasound guidance para matiyak ang kaligtasan ng procedure. Maaari ring magbigay ng pampamanhid o sedation para mabawasan ang pananakit at discomfort.

Maaaring magkaiba ang availability ng D&E depende sa bansa o lugar, batay sa mga lokal na batas at regulasyon. Sa ilang lugar, ito ay available kapag hiningi; sa iba naman, pinapayagan lamang ito sa ilang kondisyon gaya ng kung may medical reasons. Kung iniisip mong sumailalim sa D&E, mahalagang kumonsulta sa isang healthcare provider o mapagkakatiwalaang reproductive health organization para maintindihan ang iyong mga opsyon.

Ano ang Induction Abortion?

Ang induction abortion ay isang pamamaraan na ginagamit sa ikalawa o ikatlong trimester ng pagbubuntis (karaniwan pagkatapos ng 16 na linggo pataas). Minsan, ginagamit ito para sa elective abortion, pero mas madalas itong ginagawa kung may mga panganib sa kalusugan ng buntis o ng fetus at ang pagwawakas ng pagbubuntis ang pinaka-ligtas na opsyon. Nagkakaiba-iba ang mga dahilan at regulasyon depende sa bansa o lugar, pati na rin sa mga umiiral na batas.

Tuklasin ang detalye

Ang induction abortion ay ginagaya ang proseso ng labor sa pamamagitan ng gamot na nagpapalambot at nagbubukas ng cervix at nagdudulot ng contractions upang mailabas ang pagbubuntis mula sa matres. Dahil ito ay ginagawa sa huling yugto ng pagbubuntis, laging isinasagawa ito sa isang klinika o ospital kung saan maaring mabantayan ang pasyente habang tumatagal ang proseso. Karaniwan, hindi na kailangan ng surgical instruments, pero maaaring gamitin ang surgery kung kinakailangan. Mas bihira ang induction abortion kumpara sa ibang uri ng aborsyon, at mas matagal bago ito matapos.

Ano ang Dilation and Curettage (D&C)

Lipas na

Ang Dilation and Curettage (D&C) ay isang luma at hindi na inirerekomendang pamamaraan ng surgical abortion na halos pinalitan na ng mga mas ligtas na paraan tulad ng vacuum aspiration. Hindi na ito inirerekomenda.

Tuklasin ang detalye

Sa D&C, binubuksan ang cervix at pagkatapos ay ginagamit ang matutulis na instrumento (curettes) upang kayurin ang loob ng matres at alisin ang pagbubuntis. Mas mataas ang panganib ng komplikasyon at pananakit kung ikukumpara sa vacuum aspiration. Dahil dito, inirerekomenda ng World Health Organization (WHO) na palitan ang D&C ng mga sumusunod na mas ligtas na pamamaraan: Vacuum aspiration abortion, Dilation and Evacuation (D&E) o Abortion gamit ang pills hangga't maaari.

LIGTAS AT EPEKTIBO

Ligtas ba ang In-Clinic na Aborsyon?

Ang in-clinic abortion ay ligtas na pamamaraan kapag isinagawa ng mga trained na healthcare provider.

Ang mga klinika na nag-aalok ng suction o surgical abortion ay dapat sumunod sa mga pamantayang medikal batay sa pambansang regulasyon at internasyonal na gabay, tulad ng WHO Abortion Care Guidelines at Ipas Clinical Updates.

Tinutulungan ng mga gabay na ito na matiyak ang kaligtasan at kalidad ng serbisyo sa pamamagitan ng pagtukoy sa mga sumusunod:

Sino ang kwalipikadong magbigay ng abortion services
Paano dapat iimbak at gamitin ang mga gamot para sa aborsyon
Tamang paglilinis at maintenance ng mga kagamitan
Ligtas na pagtatapon ng medical waste
Training, supervision, at regular na evaluation ng healthcare staff

Para sa mga taong naghahanap ng in-clinic abortion, mahalagang pumili ng klinika na gumagamit ng ligtas at aprubadong pamamaraan at sumusunod sa updated na medikal na gabay upang mapangalagaan ang kanilang kalusugan at kapakanan.

MGA PANGANIB AT MGA BABALANG PALATANDAAN

Ano ang mga Posibleng Panganib at Komplikasyon ng In-Clinic Abortion?

Kapag isinagawa ng mga trained na health provider sa isang aprubadong pasilidad na may tamang kagamitan, ang in-clinic abortion ay napakaligtas at may napakababang panganib ng komplikasyon. Halimbawa, ang vacuum aspiration ay isang epektibo at ligtas na pamamaraan, na may tagumpay na rate na higit sa 98%–99%, at mas mababa sa 1% ang posibilidad ng malubhang komplikasyon.

Gayunpaman, tulad ng anumang medikal na pamamaraan, may mga posibleng panganib pa rin. Kabilang dito ang matinding pagdurugo, impeksyon, pagkapinsala sa matris at mga kalapit na bahagi, hindi ganap na pagkaalis ng pagbubuntis o mga natirang bahagi ng pagbubuntis sa matris, pagpapatuloy ng pagbubuntis, at kamatayan.

Karamihan sa mga komplikasyon ay hindi nakamamatay at madaling magamot kung maaagapan. Kaya mahalaga ang pagsubaybay sa mga babalang sintomas pagkatapos ng aborsyon.

Kung makaranas ka ng alinman sa mga sumusunod, agad na magpakonsulta sa doktor o health facility:

•
matinding pagdurugo (dalawang sunod na oras na tuluy-tuloy na basang-basa ang dalawang pad bawat oras);
•
lagnat na higit sa 38°C (100.4°F) na tumatagal ng mahigit 24 oras pagkatapos ng procedure;
•
matinding pananakit sa ibabang bahagi ng tiyan na patuloy lumalala; at
•
pagpapatuloy ng mga senyales ng pagbubuntis gaya ng lumalalang pagsusuka o pagsusuka tuwing umaga, pananakit o paninigas ng dibdib, at iba pa.

MGA KARANIWANG SIDE EFFECTS

Ano ang mga Side Effects ng In-Clinic Abortion?

Karamihan sa mga tao ay nakararanas ng matinding pananakit o paninikip ng tiyan (cramping) at pagdurugo habang isinasagawa ang in-clinic abortion, lalo na sa panahon ng pagbubukas (dilation) ng cervix at habang isinasagawa ang mismong procedure. Karaniwan, humuhupa ang pananakit pagkatapos ng procedure, pero normal lang din ang makaranas ng kaunting cramping at pagdurugo sa loob ng ilang araw o linggo pagkatapos. Kung gagamit ng misoprostol para tulungang buksan ang cervix, maaaring magdulot ito ng mga side effects gaya ng pagduduwal, pagsusuka, pagtatae, lagnat, o panginginig.

Karaniwang ginagamit ang local anesthesia para pamanhidin ang paligid ng cervix. Nakakatulong ito para mapagaan ang pakiramdam at mabawasan ang pananakit habang isinasagawa ang procedure.

Normal din na makaramdam ng iba’t ibang emosyon pagkatapos ng abortion. Maaaring makaramdam ng gaan ng pakiramdam o relief, lungkot, o halo ng parehong emosyon. Kung kailangan mo ng kausap o suporta, huwag mag-atubiling humingi ng tulong, normal lang ang maghanap ng emotional support.

MGA PARAAN SA PAMAMAHALA NG SAKIT

Masakit ba ang In-Clinic Abortion?

Karamihan sa mga tao ay nakakaramdam ng sakit at paninikip ng puson (cramping) habang isinasagawa ang vacuum o surgical abortion. Ang pinakakaraniwang uri ng sakit ay ang matinding paninikip ng puson habang isinasagawa ang procedure. Para sa marami, mabilis namang nawawala ang sakit pagkatapos ng procedure, pero may ilan na nakararanas ng paminsan-minsang paninikip ng puson sa loob ng ilang araw o linggo. Nangyayari ito dahil binubuksan ang cervix (ang bukana ng matres) at kumikilos ang matres para mailabas ang laman nito.

Ang antas ng sakit ay maaaring maapektuhan ng haba ng pagbubuntis, personal na tolerance sa sakit, kung nakapanganak na dati, kung madalas bang makaranas ng masakit na regla, at antas ng kaba o stress. Iba-iba ang nararanasan ng bawat tao pagdating sa sakit.

Dapat palaging may mga opsyon para sa pain management. Maaaring magbigay ng gamot bago o habang isinasagawa ang procedure, at maaari ring magbigay ng gamot na maaaring inumin pagkatapos, kung kinakailangan.

Anong Uri ng Anesthesia ang Ginagamit sa In-Clinic Abortion?

Mayroong iba't ibang uri ng anesthesia na maaaring gamitin sa in-clinic abortion, at ang pipiliing paraan ay kadalasang nakadepende sa haba ng pagbubuntis (gestational age) at sa availability ng mga gamot na pampamanhid sa klinika.

Mga posibleng uri ng anesthesia:

Local anesthetic:

Ito ang pinaka-karaniwang uri ng pampamanhid sa in-clinic abortion. Isa itong gamot na ini-inject sa paligid ng cervix upang mabawasan ang pananakit habang isinasagawa ang procedure. Gising at ganap na mulat ang pasyente habang ginagawa ito.

Moderate o conscious sedation:

Isa itong gamot na ibinibigay sa ugat na bahagyang nagpapababa ng kamalayan ng pasyente. Makakatugon pa rin sila sa mga binibigkas na utos.

Deep sedation:

Isa rin itong gamot na ibinibigay sa ugat, ngunit mas malalim ang epekto. Ang pasyente ay tumutugon lamang sa paulit-ulit na utos o pisikal na paghipo.

General anesthesia:

Kombinasyon ito ng mga pampamanhid na ini-inhale o ini-inject, at lubusang pinatutulog ang pasyente. Hindi sila tumutugon sa anumang utos habang isinasagawa ang procedure.

PANGANGALAGA PAGKATAPOS NG PAGPAPALAGLAG

Pag-aalaga Pagkatapos ng Aborsyon at Kontrasepsyon Pagkatapos ng In-Clinic Abortion

Pagkatapos ng in-clinic abortion, kadalasang ino-offer ang follow-up visit. Bagama’t hindi ito kinakailangan, mainam pa ring pakinggan ang rekomendasyon ng iyong health care provider.

Walang medikal na patunay na may tiyak na tagal ng paghihintay bago gawin ang ilang mga aktibidad tulad ng pagligo, pag-eehersisyo, pakikipagtalik, o paggamit ng tampon. Gayunpaman, karaniwang inirerekomenda na habang may pagdurugo pa, ay iwasan muna ang paglalagay ng anumang bagay sa loob ng ari (gaya ng tampon o menstrual cup), matinding pisikal na aktibidad. Maaaring bumalik ang bawat isa sa kanilang normal na gawain kapag kaya na ng katawan, at tandaan na iba-iba ang bilis ng paggaling ng bawat tao.

Bago umalis sa klinika, dapat ka ring bigyan ng impormasyon tungkol sa mga opsyon sa kontrasepsyon o contraceptives. Karamihan sa mga paraan ng kontrasepsyon ay maaaring simulan kaagad, ngunit mahalaga pa rin ang tamang diskusyon ayon sa iyong personal na pangangailangan at pinipiling paraan. Dapat ding magbigay ang klinika ng contact information kung sakaling may tanong o concerns pagkatapos ng aborsyon.

Para sa karagdagang impormasyon tungkol sa mga paraan ng kontrasepsyon na para sa iyo, bisitahin ang: findmymethod.org

KAPAKI-PAKINABANG NA MGA MAPAGKUKUNAN

I-download ang mga Sanggunian:

in-clinic-abortion-guide.pdf

User questioning herself, face resting on hand, question mark above her head

Mga Madalas Itanong sa Manual Vacuum Aspiration (MVA)

May kinalaman sa pagwawakas ng pagbubuntis, napakahalaga ng kaligtasan. Kabilang sa mga hindi ligtas na paraan ng aborsyon ang kahit anong bagay na ginawa nang walang angkop na medikal na suporta, inaprubahang mga gamot, o sinanay na mga propesyonal. Maaaring makapinsala sa kalusugan mo ang mga pamamaraang ito at posibleng maglagay sa panganib ng buhay mo.

Maaaring kabilang sa hindi ligtas na mga pamamaraan ang:

paggamit ng mga gamot o substansya na hindi inaprobahan para sa aborsyon;

pag-inom ng angkop na tabletas ngunit hindi pagsunod sa tamang mga tagubilin;

pagpapasok ng mga bagay sa pwerta o matris;

paggamit ng mga hindi sinanay o hindi lisensyadong indibidwal o mga pasilidad para sa operasyong aborsyon; at

pagsailalim sa operasyon sa isang lugar na madumi o walang sapat na medikal na kagamitan.

Kabilang sa ligtas na mga pamamaraan ng aborsyon ang:

pag-inom ng inaprobahang tabletas sa aborsyon na may tamang, gabay batay sa ebidensya; at

pagsailalim sa aborsyon sa loob ng klinika na ginagawa ng isang sinanay na propesyonal sa isang malinis, ligtas na kapaligiran.

Mahalaga ang kalusugan at kaligtasan mo, palaging piliin ang mga mapagkakatiwalaang pamamaraan at mapagkukunan para sa pangangalaga.

Mga mapagkukunan:

1) "Aborsyon." WHO, 2024, <WhoFactSheet>www.who.int/news-room/fact-sheets/detail/abortion</WhoFactSheet> . In-access noong Hulyo 2025.

Suporta sa Ligtas na Pagpapayo Tungkol sa Aborsyon

Okay lang na humingi ng suporta. for Support

Nagbibigay kami ng ligtas at tamang impormasyon tungkol sa aborsyon. Libre ang aming counseling, ligtas, kumpidensyal, at walang paghuhusga. Hinihintay namin ang iyong mensahe!

Reach out to safe2choose for more info via our counseling and support channels

Ang safe2choose team at mga sumusuportang eksperto sa carafem, batay sa 2022 Abortion Care Guideline ng WHO; ang 2023 Clinical Updates sa Reproductive Health ng Ipas at ang 2024 Clinical Policy Guidelines para sa Pangangalaga ng Aborsyon ng NAF.

Ang safe2choose ay suportado ng isang Medical Advisory Board, na binuo ng mga nangungunang eksperto sa larangan ng Sexual and Reproductive Health and Rights (SRHR).

Nagbibigay ang carafem ng kumbinyente at propesyunal na pangangalaga sa aborsyon o pagpapalaglag at pagpaplano ng pamilya upang makontrol ng mga tao ang bilang at espasyo ng kanilang mga anak.

Ang Ipas ay isang internasyonal na organisasyon na nakatuon sa pagpapalawak ng access sa ligtas na aborsyon o pagpapalaglag at kontraseptibong pangangalaga.

WHO - ang World Health Organization - ay isang dalubhasang ahensya ng United Nations na responsable para sa internasyonal na pampublikong kalusugan.

NAF – ang National Abortion Federation – ay isang propesyonal na asosasyon sa USA na sumusuporta sa ligtas, batay sa ebidensya na pangangalaga sa aborsyon o pagpapalaglag at mga reproductive na karapatan.

[1] "Abortion care guideline." World Health Organization, 2022, Retrieved from: srhr.org/abortioncare/.

[2] Jackson, E. "Clinical Updates in Reproductive Health." Ipas, 2023, www.ipas.org/wp-content/uploads/2023/09/Ipas-Clinical-Updates-in-Reproductive-Health-CURHE23b.pdf Accessed November 2024. Accessed November 2024.

[3] "Clinical Policy Guidelines." National Abortion Federation, 2024, Retrieved from: prochoice.org/providers/quality-standards/.

[4] "Clinical practice handbook for quality abortion care". Geneva: World Health

Organization; 2023. Licence: CC BY-NC-SA 3.0 IGO. Retrieved from: https://iris.who.int/bitstream/handle/10665/369488/9789240075207-eng.pdf?sequence=1

[5] Weitz, T. A., Taylor, D., Desai, S., Upadhyay, U. D., Waldman, J., Battistelli, M. F., & Drey, E. A. (2013). Safety of aspiration abortion performed by nurse practitioners, certified nurse midwives, and physician assistants under a California legal waiver. American Journal of Public Health, 103(3), 454-461. Retrieved from: https://www.ncbi.nlm.nih.gov/pmc/articles/PMC3673521/

Mga Uri ng In-Clinic na Aborsyon

Ano ang In-Clinic na Aborsyon?