How to use Misoprostol for abortion

Abortion with Misoprostol Protocol

De abortion medicine na make you use Mifepristone and Misoprostol together or make you use only Misoprotol. Dis page dey give informate wey full ground about how to use only Misoprostol for abortion with medicine. If na only Mifepristone dey wey you fit buy, abeg see dis guide.

Before you start

Remember say dis informate na for abortion with medicine for belle wey dey 11 weeks or less, if you count from de first day of your last period [1] Since we no get de training to support abortion wey de belle don pass 11 weeks, we go do our best to send you to person wey fit handle de matter.

Misoprostol go work well well (85%) [2] if you wan commot belle wey dey 11 weeks or less.

To dey sure say dis method go safe for you, we go advise say make you go read de last session about de wahala wey fit happen if you use abortion medicine. If you no sure say e go good for you, contact us.

Misoprostol dosage for abortion

Mifepristone and Misoprostol dosage for women wey dia belle dey neva reach 9 week you go need at least 8 tablets of Misoprostol. Each of de medicine suppose be 200 mcg. [3]

Misoprostol dosage for women wey dia belle dey between 9-11 week you go need at least 8 tablets of Misoprostol. And we go advise say make you hold extra 4 tablet of Misoprostol (total na 12 tablet of Misoprostol) since your belle dey between 9 to 11 weeks. If e kon dey hard to get 12 tablets, you fit go ahead use 8 tablets of Misoprostol only but the thing fit no work wella.

Each of de medicine suppose be 200 mcg.[4]

If de medicine wey you dey get get different dosage of mg and/or mcg, you go need to calculate am again to know de total number of medicine you fit take, so you go fit use de correct amount of medicine. [5]

If you get any question, abeg no delay, contact us We dey here to support you throughout your abortion.

How you go take take Misoprostol for safe abortion

Keep am for your mind say de wahala wey you go see after you don take Misoprostol go start sharp sharp. So, choose de time wey go make sense for you. E go betta make you choose time wey you dey house and you no get anything wey you need to do.

protocol-medical-abortion-misoprostol-only

Step 1: Take 800 mg of Ibuprofen 1 hour before you use Misoprostol.

You no need to do dis one, but e go betta if you do am. Ibuprofen go reduce de belle pain and e go help you reduce any wahala like headache, make body dey hot and/or make cold dey catch person wey fit show face because of de Misoprostol medicine wey you take [6]. Remember say, you fit use Ibuprofen throughout de abortion and after wen you need am. Women wey Ibuprofen and NSAIDs no good for dia bodi fit go read de questions wey people dey always ask for advise as e take concern dis matter.

If you get medicine wey no go let you dey feel like say you wan vomit, den you fit take am.

Step 2: Put 4 Misoprostol medicine under your tongue (sublingual) for 30 minutes.

E dey ok for the medicine to be under your tongue for 30 minutes so your body go fit take am inside. After 30 minutes don reach, you fit drink water to wash and swallow the remaining medicine down your belle. [7]

If you vomit after 30 minutes when you don put Misoprostol under your tongue, the thing fit no work. Som you go need to repeat second step.

If you vomit after de medicine don dey under your tongue for 30 minutes, you no need to repeat second step again, because de medicine don already dey inside your bodi.

Wait for 3 hours

Step 3: put anoda 4 Misoprostol medicine under your tongue (sublingual) for 30 minutes.

Wait for 3 hours

– For women wey dia belle neva reach 9 weeks, go do step 5 only if 3 hours don pass since you don take Misoprostol and you neva see any blood or na shikini shikini blood you just dey see.

– For women wey dia belle dey between 9-11 weeks, go do step 5 no matter de type of blood wey you dey see.

You fit contact us.

Step 4: put anoda 4 Misoprostol medicine under your tongue (sublingual) for 30 minutes.

[For women wey dia belle dey between 9-11 weeks or who no see any blood]

If anoda 3 hours pass and you still neva see any blood or feel pain, contact us. No use anoda medicine until we don look into your matter.

Wetin you go see wen you take Misoprostol for abortion

After you don take Misoprostol, you go feel pain for your belle and you go see blood. Some women (no be all) go dey see thick thick blood. You no go know wen de belle pain and de blood go start. Most times, e dey start inside 1-2 hours, but e fit e be many hours later. [8]

Blood wey you go see suppose plenti pass de blood wey you dey see wen you dey do your period, or at least dem fit be de same thing. De blood go dey come of and on for many days or weeks sef after you don use de medicine. De blood wey you go dey see, and de sign say belle dey your bodi go dey commot small small as day dey pass. [9]

For women wey dia belle dey between 10-11 weeks, you go still dey see blood and dey feel pain, and you fit also see de small thing we don dey form as pikin wen e go come out [1]. Many times, e dey mix with de blood wey you go see and you fit no know sef say e don come out. But even if you see am and you sabi am, e dey normal. Nothing spoil, just wrap am inside sanitary pad, or you fit flush am inside toilet.

Remember say abortion different, wetin people go experience dey different and e no be de same from woman to woman.

Many women who commot belle no feel as if dem get belle again for like 5 days after dem don use Misoprostol. If de sign say you get belle dey reduce and e don start to dey disappear after you don use de medicine, dis na good sign say de belle don commot. [10]

De wahala wey fit show face wen you take Misoprostol

After you don use Misoprostol, de wahala wey you fit see fit last for few hours or days [11]. Dem be:

  • Make bodi dey hot
  • Dey shit anyhow
  • Wan be like say you wan vomit/make you dey vomit
  • Headache
  • Make cold dey catch person
Side_effects_during_abortion_with_pills_using_misoprostol_only

Dey careful

To avoid too much blood and/or infection, e go betta if for de coming week or until de blood don reduce [12], make you:

  • No put anything inside your toto like de pad wey dem dey shuk inside toto, menstrual cup
  • No put anything inside your toto like de pad wey dem dey shuk inside toto, menstrual cup
    Note: No evidence talk say you fit wait so so so time before you nack again after you don use de abortion medicine but we go advise say make you hold bodi until de blood stop and make you listen to your bodi and your desire. [13]
precautions-to-take-after-abortion-pills

Wen alarm don blow: dey find help

If any of dis things happen to you, just know say alarm don dey blow and say serious gbege don dey happen. Just run like say fire dey burn you go meet your healthcare people:

  • If you use two or more pads (dem soaked front to back, side to side) in 1 hour or less and dis last for 2 hours or more.
  • Your bodi dey hot like oven of 38 degrees Celsius (100.4 degrees Fahrenheit) and e no reduce even wen you take Ibuprofen. Use thermometer check am.
  • Your bodi dey hot like oven of 38 degrees Celsius (100.4 degrees Fahrenheit) and e no reduce after 24 hours wey you take Ibuprofen. Use thermometer check am.
  • Pain no reduce after you take ibuprofen.
  • De colour or smell of your blood dey different from your normal period or de smell bad.
  • If your hand, neck, and face dey red, swell up or e dey scratch you. E fit mean say de medicine no good for your bodi. You fit use antihistamine, but if you dey find am hard to breathe, den na very serious gbege be dat, dem gas carry you rush go hospital sharp sharp. [14]
Warning-signs-during-an-abortion-with-pills

Who write am:

by the safe2choose team and supporting experts at carafem, based on the 2020 and recommendations byDe National Abortion Fund (NAF).

De National Abortion Fund (NAF). be de professional association of abortion providers North America.

carafem dey give easy and professional abortion care and family planning so dat people fit control de number and space dia children.

[1] National Abortion Federation. 2020 Clinical Policy Guidelines for Abortion Care. Retrieved from: https://5aa1b2xfmfh2e2mk03kk8rsx-wpengine.netdna-ssl.com/wp-content/uploads/2020_cpgs_final.pdf

[2] Guttmacher institute. Early Pregnancy Failure: Misoprostol May Be Good Alternative to Surgery. Retrieved from: https://www.guttmacher.org/journals/psrh/2006/early-pregnancy-failure-misoprostol-may-be-good-alternative-surgery

[3] Platais I, Tsereteli T, Grebennikova G, Lotarevich T, Winikoff B. Prospective study of home use of mifepristone and misoprostol for medical abortion up to 10 weeks of pregnancy in Kazakhstan. Retrieved from: https://www.ncbi.nlm.nih.gov/pubmed/?term=Prospective+study+of+home+use+of+mifepristone+and+misoprostol+for+medical+abortion+up+to+10+weeks+of+pregnancy+in+Kazakhstan

[4] Gynuity. Efficacy of Misoprostol Alone for First-Trimester Medical Abortion: A Systematic Review. Retrieved from: https://gynuity.org/resources/efficacy-of-misoprostol-alone-for-first-trimester-medical-abortion-a-systematic-review

[5] Elizabeth G. Raymond, Caitlin Shannon, Mark A, Weaver, Beverly Winikoff. First-trimester medical abortion with mifepristone 200 mg and misoprostol: a systematic review. Retrieved from: https://www.contraceptionjournal.org/article/S0010-7824(12)00643-9/fulltext

[6] Livshits, Anna et al. Fertility and Sterility, Volume 91, Issue 5, 1877 – 1880. Ibuprofen and paracetamol for pain relief during medical abortion: a double-blind randomized controlled study. Retrieved from: https://www.fertstert.org/article/S0015-0282(08)00176-3/fulltext

[7] World Health Organization. Safe abortion: technical and policy guidance for health systems. Retrieved from: https://apps.who.int/iris/bitstream/handle/10665/70914/;jsessionid=B7AEEBE4F34809D869F73B1ABA7F6221?sequence=1

[8] Gynuity. providing medical abortion in low-resource settings: an introductory guidebook. Second Edition. Retrieved from: https://gynuity.org/assets/resources/clinguide_maguide2nd_edition_en.pdf

[9] Planned Parenthood. How does the abortion pill work? Retrieved from: https://www.plannedparenthood.org/learn/abortion/the-abortion-pill/how-does-the-abortion-pill-work

[10] Gynuity. Self-Assessment of Medical Abortion Outcome using Symptoms and Home Pregnancy Testing. Retrieved from: https://gynuity.org/resources/self-assessment-of-medical-abortion-outcome-using-symptoms-and-home-pregnan

[11] National Abortion Federation. Expected Side Effects of Medical Abortion. Retrieved from: https://prochoice.org/online_cme/m2expected2.asp

[12] A.R. Davis, C.M. Robilotto, C.L. Westhoff, S. Forman, J. Zhang. Bleeding patterns after vaginal misoprostol for treatment of early pregnancy failure. Retrieved from: https://academic.oup.com/humrep/article/19/7/1655/2356520

[13] Ipas. (2019). Clinical Updates in Reproductive Health. L. Castleman & N. Kapp (Eds.). Chapel Hill, NC: Ipas. Retrieved from: https://ipas.azureedge.net/files/CURHE19-april-ClinicalUpdatesInReproductiveHealth.pdf

[14] NHS. Risks-Abortion. Retrieved from: https://www.nhs.uk/conditions/abortion/risks/

Safe Abortion with medicine options