Many type of abortion medicine full yakata for market and de way wey you go take find am dey different around de world. Cytotec dey among de medicine wey full area pass. Whether you dey concerned about how Cytotec dey work, de price, dosage or where you go fit get am, we hope say dis guide go dey useful. If you get extra question, abeg sharparly yarn with one of our counselors straight by email or live chat and dem go dey happy to support you.
Wetin be de Cytotec Abortion Medicine
Cytotec na medicine wey dem dey use commot belle wey don dey up to 13 weeks. Na prostaglandin medicine wetin dis thing mean be say e go make de cervix soft and open and e go cause uterine contractions wen you use am for belle. Na Pfizer pharmaceutical company produce am. 
How Cytotec dey work for abortion?
Cytotec dey soften and widen de cervix and e dey also make de uterus de contract. All dis na de things wey go commot de belle. E dey start work inside 1-hour wey you use am, but e fit pass. 
Wetin be de Cytotec dosage?
Cytotec medicine dey come in 200 mcg, and de dose wey dem go advise dey always change because e depend on how long de belle don dey.
For belle wey dey under 9 weeks, de Cytotec dosage wey dem advise na 2 set of 800 mcg (total na 1600 mcg, or 8 medicine).
For belle wey dey between 9-13 weeks, de Cytotec dosage wey dem advise na 3 set of 800 mcg (total na 2400 mcg, or 12 medicine). 
Wetin be de Cytotec dosage for belle wey be 6 weeks?
For belle wey dey 6 weeks or less, de Cytotec dosage wey dem advise na 2 set of 800 mcg (total na 1600 mcg, or 8 medicine). For some case, dem also advise say make you get extra set of 800 mcg (4 medicine). 
Wetin be de Cytotec dosage for belle wey be 9 weeks?
For belle wey dey under 9 weeks, de Cytotec dosage wey dem advise na 2 set of 800 mcg (total na 1600 mcg, or 8 medicine). For some case, dem also advise say make you get extra set of 800 mcg (4 medicine). 
Wetin be de Cytotec dosage for belle wey be 9 to 13 weeks?
For belle wey dey between 9 to 13 weeks, de Cytotec dosage wey dem advise na 3 set of 800 mcg (total na 2400 mcg, or 12 medicine). 
Wetin be de price of Cytotec?
Cytotec no cost at all, but e depend on where you dey live. Different country get dia law as e take concern abortion and dis fit affect Cytotec price. E dey possible say country wey talk for dia law say no abortion, de price for Cytotec wey doctor no talk say make de person buy go cost wella.
How to take Cytotec
safe2choose advise say make you put Cytotec under de tongue, or sublingually. De best way be to put de Cytotec tablet straight under de tongue, make e melt for 30 minutes. After 30 minutes, you go use water swallow any medicine wey remain inside your mouth.
3 hours after de first dose (800mcg) of Cytotec, you go take de next dose as you take take de first one. If you go take anoda dose, you go take am 3 hours after de second dose. 
Wetin be de wahala wey person fit see wen e take Cytotec
Wen you use am for abortion, Cytotec suppose cause make belle dey pain person and blood go dey come out. On top dis ones, you fit also dey feel like say you wan vomit, dey vomit, dey shit anyhow, bodi dey hot, and cold dey catch.
Most of de time, de wahala no dey pass 24 hours. 
Wetin Cytotec abortion medicine resemble?
Cytotec medicine na 200 mcg tablet wey small, white and de shape be like hexagon. Dem dey center and dem go get “searle” and/or “1461” on top dem. 
How to get Cytotec abortion medicine?
How Cytotec medicine take dey available depend on where you dey live. Dem dey also use Cytotec for stomach ulcer, so sometimes you fit buy am even if doctor no tell to buy am. If na so, you see Cytotec for your area pharmacy where dem dey keep medicine for belle. If e no dey there, den dat one fit mean say you go need doctor to tell you say make you buy am before you fit buy am.
Dey don verify am say Cytotec dey available in dis countries :
Armenia, Australia, Azerbaijan, Belgium, Belize, Benin, Bolivia, Burkina Faso, Cambodia, Cameroon, Cape Verde, China, Cote d’Ivoire, Dem. Rep. of Congo, Dominican Republic, Ecuador, Egypt, El Salvador, Gabon, Gambia, Georgia, Ghana, Guatemala, Guinea, Guyana, Haiti, Indonesia, Kenya, Kyrgyzstan, Lebanon, Lithuania, Malawi, Mali, Mexico, Morocco, Myanmar, Niger, Nigeria, Paraguay, Peru, Rwanda, Sierra Leone, South Africa, Thailand, Togo, Tunisia, Turkey, Uganda, United Kingdom, United States, Uzbekistan, Zambia
Dis website fit dey useful to find out how to get Cytotec for your area , or you fit contact our counselors, and dem go fit help you locate where sure near you. 
You fit also get in touch with our advisers, and dem go help you locate a seller wey you fit trust.
 Uptodate. Misoprostol as a single agent for medical termination of pregnancy. Retrieved from: https://www.uptodate.com/contents/misoprostol-as-a-single-agent-for-medical-termination-of-pregnancy?search=cytotec&source=search_result&selectedTitle=2~117&usage_type=default&display_rank=1#H2428459676
 Allen R, O’Brien BM. Uses of misoprostol in obstetrics and gynecology. Rev Obstet Gynecol. 2009;2(3):159–168. Retrieved from: https://www.ncbi.nlm.nih.gov/pmc/articles/PMC2760893/
 Ipas. (2019). Clinical Updates in Reproductive Health. L. Castleman & N. Kapp (Eds.). Chapel Hill, NC: Ipas. Retrieved from: https://ipas.azureedge.net/files/CURHE19-april-ClinicalUpdatesInReproductiveHealth.pdf
 Uptodate. Misoprostol: drug information. Retrieved from: https://www.uptodate.com/contents/misoprostol-drug-information?search=cytotec&source=panel_search_result&selectedTitle=1~117&usage_type=panel&kp_tab=drug_general&display_rank=1#F197173
 WebMD. Drugs and medications: cytotec. Retrieved from: https://www.webmd.com/drugs/2/drug-1786/cytotec-oral/details
 Women On Waves. Map Countries. Retrieved from: https://www.womenonwaves.org/en/map/country
 IPPF. Medical Abortion Commodities Database. Retrieved from: https://www.medab.org/advanced-search-multiple