Tunajua kwamba kupata mimba isiyo tarajiwa kunaweza kukuletea msongo wa mawazo na wasiwasi. Hapa safe2choose, tunatoa taarifa kamili na msaada katika safari yako ya utoaji mimba. Taarifa zetu zimepangiliwa kukupatia maarifa na kujiamini ili kufanya uamuzi bora kwaajili yako.
MAAMUZI SAHIHI
Kufahamu hatua za mimba na chaguzi zinazopatikana, ikiwemo kutoa mimba, ni muhimu katika kufanya maamuzi sahihi kuhusu afya yako ya uzazi.
safe2choose haishauri kutumia tembe za kutoa mimba ikiwa hujathibitisha mimba yako kwa vipimo vya kuaminika vya mimba na hujui ni hatua gani ya mimba ulipo.
Dalili za mimba zinaweza kutofautiana kati ya mtu mmoja na mwingine na huenda zisitokee kwa wakati mmoja au kwa nguvu sawa. Zifuatazo ni baadhi ya dalili za awali za mimba ambazo unaweza kuzingatia ikiwa unahisi kuwa una ujauzito:
Kumbuka, dalili hizi pia zinaweza kutokea kwa sababu nyingine, kama vile ugonjwa au hedhi inayokuja. Pia, unaweza kuwa na mimba bila kuhisi dalili zote au hata mojawapo ya dalili hizi.
Ikiwa umechelewa kupata hedhi kwa wiki moja au zaidi, inaweza kuwa dalili ya mimba. Lakini mizunguko ya hedhi isiyo ya kawaida au matatizo ya kiafya pia yanaweza kupelekea hali hii.
Mabadiliko ya homoni mwanzoni mwa ujauzito yanaweza kufanya matiti yako kuwa laini na kuuma.
Unaweza kuhisi kichefuchefu pamoja na kutapika au bila kutapika, mara nyingi huitwa kichefuchefu cha asubuhi, kinachoweza kuanza mwezi mmoja au miwili baada ya kupata mimba.
Unaweza kuhisi unahitaji kwenda haja ndogo mara nyingi zaidi kuliko kawaida.
Kuhisi uchovu kupita kiasi ni dalili nyingine ya awali ya ujauzito.
Ikiwa umekosa hedhi na kuona dalili hizi, pima ujauzito wiki mbili baada ya kufanya tendo la ndoa bila kutumia kinga ili kupata majibu sahihi.
Kukosa hedhi mara nyingi ni miongoni mwa dalili za awali za uwezekano wa mimba. Hata hivyo, kukosa au kuchelewa kwa hedhi kunaweza kusababishwa na mambo mengine tofauti na mimba.
Baadhi ya sababu zinazoweza kuchelewesha hedhi ni pamoja na:
Kukosa usingizi
Usingizi hafifu
Lishe duni
Mabadiliko ya uzito (Kupungua au Kuongezeka)
Msongo wa mawazo au matukio ya kuumiza hisia
Mabadiliko ya ratiba za kila siku
Matumizi ya dawa
Mabadiliko ya homoni
Magonjwa ya kudumu
Matumizi ya vidonge vya kuzuia mimba mara baada ya kujamiiana bila kutumia kinga (morning after pill).
Sababu hizi zinaweza kuwa mabadiliko madogo ya homoni au ha matatizo makubwa ya kiafya. Hivyo, inashauriwa sana kupima ujauzito ili kuthibitisha hali yako ili kuondokana na hali ya mashaka.
Ikiwa unakutana na amenorrhea, ambayo inafafanuliwa kama kutopata hedhi kwa angalau mizunguko mitatu mfululizo, inashauriwa kumwona mtoa huduma wa afya ili kupata matibabu.
KIPIMO CHA KUAMINIKA CHA UJAUZITO
Kujua mapema endapo una ujauzito kunakusaidia kutunza afya yako na kufanya maamuzi muhimu. Kabla ya kuendelea, ni muhimu kuthibitisha kama kweli una ujauzito kwa kutumia kipimo cha kuaminika.
Unaweza kufanya kipimo cha ujauzito ukiwa nyumbani, waweza nunua kipimo hicho kwenye duka la dawa, duka la kawaida au kituo cha afya, pia unaweza kumwona daktari ili kupata kipimo sahihi zaidi.
Huenda umesikia kuhusu vipimo vya ujauzito vya nyumbani vinavyotumia vitu kama siki, shampoo au bleach, vipimo hivi si vyakuaminika.
Mtu hujaribu kutumia njia hii anaposhindwa kumudu kununua kipimo sahihi, anapokuwa hataki watu wengine wajue kuwa anapima ujauzito, au anaposhindwa kusubiri kupata kipimo sahihi. Watu wanadai kuwa vipimo hivi vya nyumbani vinafanya kazi kutokana na mchanganyiko wa kemikali kati ya vitu hivyo na homoni inayoitwa hCG, ambayo mwili wako hutengeneza unapokuwa mjamzito.
Hata hivyo, hakuna ushahidi wakutosha endapo vipimo hivi vinafanya kazi.
Njia bora ya kujua kwa uhakika endapo una ujauzito au la ni kutumia vipimo sahihi kama vile vya mkojo au damu ambavyo ni sahihi zaidi.
Zipo njia 3 za kuaminika za kupima ujauzito. Kutegemea na hali yako binafsi unaweza kuchagua njia moja kati ya hizi.
Kipimo cha mkojo ni njia ya kawaida na inayotumika zaidi kuthibitisha ujauzito. Kipimo hiki hutambua uwepo wa homoni za mimba kwenye mkojo. Ni rahisi kutumia. Pia, ni muhimu kuzingatia kwamba vipimo vyote vya mkojo vya ujauzito vina muda maalumu wa kusomwa. Kwa vipimo vingi, muda huo ni dakika 3-5. Ikiwa vitachelewa kusomwa, vinaweza kuonesha matokeo ya uongo, hivyo ni vizuri kila mara kuangalia "muda sahihi wa kusoma" ulioandikwa kwenye kipimo na kusoma kwa wakati uliopendekezwa.
Benefits
Ni njia ya bei nafuu na rahisi kupatikana. Aina hii ya kipimo cha mkojo mara nyingi inauzwa kwa seti na hupatikana kwenye duka la dawa lililo karibu nawe.
Matokeo ya kipimo hupatikana mara moja. Itachukua dakika chache kupata matokeo ya kipimo.
Inatoa matokeo rahisi ya chanya au hasi.
Vipimo hivi mara nyingi ni rahisi kutumia, fuata maelekezo wakati wa kufungua kifungashio chake.
Inaweza kufanywa kwa siri nyumbani.
Disadvantages
Vipimo vingi vya mkojo haviwezi kukadiria umri wa mimba.
Baadhi ya vipimo vya mkojo hutoa makadirio ya umri wa mimba lakini matokeo yake si yakuamini sana. Katika hali hii, tunapendekeza kukadiria umri wa mimba kwa kuhesabu wiki toka siku ya kwanza ya hedhi yako ya mwisho au kutumia kikokotoo chetu cha ujauzito kurahisisha mahesabu.
Unaweza kupata matokeo "hasi ya uongo " ikiwa hutatumia kipimo hiki vizuri. Ili kuepuka "hasi ya uongo", kipimo hiki kinapaswa kufanywa wiki mbili au zaidi baada ya kujamiiana bila kinga.
Pindi mimba itokeapo, seli huzalisha homoni inayoitwa HCG, ambayo ni homoni inayoweza kugundulika kwenye kipimo cha mkojo au kipimo cha damu.
Kwa kuwa homoni ya ujauzito huhitaji angalau wiki 2 kuonekana kwenye mfumo, ili kupata matokeo sahihi zaidi, ni muhimu kufuata utaratibu ufuatao ili kupata majibu sahihi kutegemeana na aina ya kipimo:
- Kipimo cha mkojo kinaweza kufanyika wiki 2 baada ya kujamiiana bila kinga au wiki 1-2 baada ya kuchelewa kwa hedhi. Kupima kabla ya kipindi hiki kunaweza kupelekea matokeo hasi ya uongo (kuonesha hauna mimba wakati una mimba).
- Kipimo cha damu kinaweza kufanywa mapema na kutoa matokeo sahihi. [6]
Kwa upande wa kipimo cha ultrasound, kawaida kinashauriwa kufanywa baada ya angalau wiki 4 za ujauzito au zaidi. Hii ni kwa sababu, kabla ya wiki 4, inaweza kuwa mapema kugundua endapo kuna ujauzito au kujua mwenendo wake. Ikiwa ultrasound itafanywa mapema sana, inaweza kutokuwa na matokeo, jambo ambalo linaweza kuleta mkanganyiko.
Kukabiliana na mimba isiyotarajiwa (isiyopangwa) inaweza kuwa hali ngumu na inayochanganya, lakini ni muhimu kujua kwamba una chaguzi. Unaweza kuchagua kuendelea kubeba mimba na kujifungua, kuendelea kubeba mimba huku ukiwa na mpango wa kuasili (adoption), au kufikiria kutoa mimba. Kila chaguo lina changamoto zake na linaweza kuathiri maisha yako kwa njia tofauti, hivyo ni muhimu kuchagua kile kinacho kufaa.
Ikiwa unafikiria kutoa mimba, hapa kuna hatua muhimu za kufuata baada ya kuthibitisha ujauzito:
Kuchukua hatua hizi kutakusaidia kuwa na taarifa sahihi na kukupatia uwezo wakati unapotafakari chaguzi zako.
Kufahamu ujauzito wako una wiki ngapi ni muhimu kwakuwa huathiri aina za chaguzi za utoaji mimba unazoweza kutumia. Kukokotoa wiki zako za ujauzito ni rahisi, na safe2choose imeunda Kikokotoo cha Ujauzito ambacho ni salama na rahisi kutumia.
Zipo njia mbalimbali za utoaji mimba, njia hizo ni kama vile kutumia dawa (tembe za utoaji mimba) au kutoa kwa kutumia taratibu za kliniki. Chunguza chaguzi hizi na jinsi ya kupata huduma ya utoaji mimba ili kufanya uamuzi bora kwa ajili yako.
Pia ni muhimu kujua sheria na taratibu kuhusiana na utoaji mimba katika eneo lako, kwani zinaweza kutofautiana kulingana na mahali unapoishi.
Kipimo cha picha kinachotumia mawimbi ya sauti hakihitajiki baada ya utoaji mimba kwa kutumia tembe. Ingawa wakati mwingine inawezakuthibitisha kuwa mchakato umefanikiwa, ikifanywa mapema inaweza pia kuonyesha damu au tishu ndani ya mfuko wa uzazi, jambo ambalo ni la kawaida katika wiki za mwanzo. Watoa huduma wa afya wengine wanaweza kupendekeza taratibu za ziada, kama vile njia ya Kunyonya au kufyoza au ukwanguaji , kulingana na matokeo haya, hata kama si lazima.
Kipimo cha picha kinachotumia mawimbi ya sauti kinahitajika tu ikiwa kuna dalili za matatizo, kama vile kutokwa na damu nyingi au maambukizi, au ikiwa kuna wasiwasi kuwa mchakato haukufaulu. Ikiwa kila kitu kitaenda kama kilivyotarajiwa, njia rahisi zaidi ya kuthibitisha kuwa utoaji mimba kumefanikiwa ni kwa kufanya kipimo cha mimba cha nyumbani baada ya takribani wiki 4–5 tangu kutumia tembe.
Habari za hivi punde na makala za blogu
Pata taarifa za hivi punde, habari, na maarifa ukiwa na safe2choose. Yaani taarifa kuhusu maendeleo ya afya ya uzazi, matangazo muhimu na hadithi kutoka kwa jamii yetu, Ukurasa wetu wa Makala unakuhabarisha na kufanya uendelee kushiriki katika taarifa mpya.
Msaada wa Ushauri wa Utoaji Mimba Salama
Taarifa tunazotoa zinazingatia ushahidi kuhusu utoaji mimba salama. Huduma yetu ya ushauri ya bure ni salama, ya faragha, rahisi, na haina unyanyapaa. Tunangojea ujumbe wako!
imeandaliwa na timu ya safe2choose pamoja na msaada wa wataalamu toka carafem, kulingana na Miongozo ya Huduma ya Utoaji Mimba ya WHO ya mwaka 2022; Sasisho za Kliniki za Afya ya Uzazi za mwaka 2023 kutoka Ipas na Miongozo ya Sera za Kliniki kwa Huduma ya Utoaji Mimba ya NAF ya mwaka 2024.
safe2choose inaungwa mkono na Bodi ya Ushauri ya Matibabu, inayoundwa na wataalamu wakuu wa Afya ya Uzazi na Haki za Uzazi (SRHR).
carafem inatoa huduma za utoaji mimba na uzazi wa mpango kwa njia rahisi na za kitaalamu ili watu waweze kudhibiti idadi na muda wa kupata watoto.
Ipas ni shirika la kimataifa linalolenga kuongeza upatikanaji wa huduma salama za utoaji mimba na kinga ya uzazi.
WHO ni shirika la Umoja wa Mataifa linalohusika na Afya ya umma duniani.
NAF ni shirika la kitaalamu nchini Marekani linalounga mkono huduma salama za utoaji mimba zinazozingatia ushahidi na haki za uzazi.
