Okuggyamu embuto tekulina bulabe, era kiyinza okutaasa obulamu bw’abantu abatayagala kufuna lubuto. Kyokka, nga bwe kiri ku ddagala lyonna, waliwo akabi akayinza okuvaamu.
Okuggyamu embuto okutawedde mu bujjuvu kubaawo ng’enkola y’okuggyamu embuto ebadde tewedde bulungi. Wadde olubuto luba telukyalimu ela nga tewali mwana mu lubuto, ebimu ku bitundu by’olubuto biba bikyali mu nabaana.
Obulabe bwokujjamu olubuto mubitundu bweyongela nga ebanga lyolubuto lyeyongedde. Newankubadde, obulabe buba butono kwoyo alongosebwa okugelagelanya noy akozeseza empeke.
Kikulu nnyo eri abo abalowooleza mu kuggyamu embuto okuwulira nga balina obukuumi era nga bafuga nga balina amawulire gonna ge beetaaga okusalawo. Era kyetaagisa nnyo eri abo abayinza okuba nga baaggyamu olubuto nelutagwamu okumanya obubonero, n’okuwulira nga balina obwesige ku ky’okukola.
Obubonero Obulaga nti olubuto teluvuddemu lwona
Oluvannyuma lw’okuggyamu embuto, bw’ofuna obubonero bwonna ku buno wammanga kiyinza okutegeeza nti olubuto telwavudemu lwonna
- Okuvaamu omusaayi omungi, okugeza, okukyusa paadi buli ssaawa, oba okuyita ebitole by’omusaayi
- Okuvaamu omusaayi obutasalako nga tegukendeera oluvannyuma lw’ennaku ezisooka, oba okumala wiiki ezisukka mu ssatu
- Obulumi obw’amaanyi ennyo, oba obulumi obulala obusukka ennaku ntono Obutabeera bulungi ng’ekintu kinyigiriza olubuto
- Omusujja omungi ogumala ennaku ezisukka mu bbiri
Bw’ofuna obubonero buno bwonna, tosattira, tekitegeeza nti ovuddemu olubuto olutajjuvu, omubiri guyinza okuba nga guddamu ku nkola eyo. Kyokka bw’oba olina, waliwo ebintu bingi by’osobola okukola, era okuzuula obulwadde n’okubujjanjaba kyangu era kituukirirwa.
Nkole Ki Singa Ndowooza nti olubuto telwavuddemu lwona?
Bw’oba olowooza nti olubuto telwavudemu lwona, kikulu okutuukirira omusawo oba eddwaaliro erijjanjaba embuto amangu ago. Gy’okoma okuzuula amangu n’okujjanjaba, obubonero bwo gye bukoma okukoma amangu. Obujjanjabi era bujja kuziyiza okukwatibwa yinfekisoni oba ebizibu ebirala.
Kiri mu mateeka okujjanjaba embuto ezitavuddemu mu bujjuvu buli wamu. Ne mu nsi nga kimenya mateeka okuggyamu embuto, tolina kugamba bakugu mu by’obulamu nti wasalawo okujjamu olubuto, kuba tewali kukebera kuzuula kino. Wonna w’obeera n’ebikozesebwa okuyamba abo abalina nnabaana nga bavuddemu embuto nakyo kisobola okuyamba abo abaggyamu embuto ezitavudemu bulungi.
Okuzuula obulwadde kujja kubaawo oluvannyuma lw’okukubaganya ebirowoozo n’omusawo ku bubonero bwo, era ayinza okwetaaga okukeberebwa ka tiivi, okukeberebwa olubuto. Obujjanjabi butera okubaamu empeke 2 eza Misoprostol, naye era ziyinza okuzingiramu okufulumya ebitundu ebisigaddewo nga tuyita mu vacuum. Obubonero bwo bulina okukka amangu ddala nga buweddewo.
Okulabirira oluvannyuma lw’okuggyamu olubuto
Okuggyamu olubuto kiyinza okuleeta enneewulira ez’amaanyi naddala singa wabaawo ebizibu. Kebera naawe weejjukize nti olina eddembe okusalawo ku mubiri gwo. Bw’oba osobola, weetooloole abantu abakwagala era abasobola okukulabirira. Okuwummula n’okulabirira obulamu bwo obw’omutwe kikulu nnyo ng’okulabirira obulamu bwo obw’omubiri.