COVID-19: Abortion Essentials Kit

COVID-19: Abortion Essentials Kit

Na safe2choose counseling team n aim write am. 

As the Coronavirus (COVID-19) outbreak happen, healthcare and reproductive service people around the world dey fight to maintain abortion as essential healthcare service and dey make sure say access to abortion services and information dey kampe.

For safe2choose, we continue to dey give correct information about safe abortion through email and live chat for different languages like  English, Spanish, Portuguese, French, Hindi, Punjabi, Kiswahili, Hebrew, Arabic, Wolof. For dis global pandemic, e dey on top of our mind say women and girls for the world get the way wey dem go take do commot dia belle safely.

Many women and girls now dey face situations wey people think say abortion no be emergency healthcare service, while for some people, doctor and pharmacy no plenty or open because of lockdown. Wit the Abortion Essentials Kit list, we go support you as the COVID-19 gbege dey happen and let you dey ready wit the important information wey you need.

The Abortion Essentials Kit go give you the list of important things wey you go need before you use medicine take commot belle for house or anywhere wey you dey safe, so dat you go fit care for yourself well well as the belle dey commot.

Abortion Kit

Wetin Dey Inside The Abortion Essentials Kit?

The Abortion Essentials Kit give the list wey you go need wen you wan commot belle wit medicine, wey go dey safe and work well well as the lockdown no go let plenty pharmacy open.

Na two ways dey safe to commot belle wit medicine inside the first 11 weeks of the belle, and the way wey you go choose depend on top the medicine wey dey your area.

Method 1: 1 medicine of Mifepristone + 8 medicine of Misoprostol or Method 2:  12 medicine of Misoprostol

You go also need to get dis things:

  • 2 strips of pain relievers
  • 2 packs of sanitary pads
  • 1 pregnancy test
  • 1 thermometer
  • 1 strip of nausea medicine
  • Contraceptives wey you like

Your Abortion Essentials kit

E go beta make you buy plenty things wey dey on top the Abortion Essential Kit list before you start to commot the belle, but you fit always contact our counsellors to sabi all your option. In case you get question, abeg, sharparly contact us on top live chat option for our website or send email to  You fit also reach us on top our Facebook, Twitter, and Instagram page and we go connect you to our counsellors.

Our female counsellors go give you respect, treat your matter private and dem go support you wit information as e take concern make person commot belle wit medicine. Follow us yarn, we dey here to support you.