Kuavya mimba kwa kutumia Misoprostol tu

Kabla ya kuanza

Kumbuka habari hii ni muhimu kwa uaviaji mimba kwa tembe za kuavya mimba katika mimba zilizo wiki kumi na moja au chini zinazohesabiwa kutoka siku ya kwanza ya kipindi chako cha mwisho wa hedhi yako. Kwa kuwa hatujapewa mafunzo ya kusaidia kuavya mimba zilizo zaidi ya wiki kumi na moja, tutafanya kila tuwezalo kukuelekeza kwa shirika lililo na uwezo wa kufanya hivyo

Kutumia Misoprostol ina ufanisi sana (85%)

Ili kuthibitisha kuwa mbinu hii ni salama kwako, tunapendekeza usome kitengo kilichopita kuhusu dalili kinzani kwa kutumia tembe za kuavya mimba. Ikiwa hauna hakika kama utaratibu huu ni bora kwako, wasiliana nasi

Kipimo cha Misoprostol

Kwa wanawake chini ya wiki tisa za uja uzito, utahitaji tembe zisizopungua nane za Misoprostol.

Kwa wanawake kati ya wiki tisa hadi kumi na moja za uja uzito, utahitaji tembe zisizopungua nane za Misoprostol, na kama inawezekana, inapendekezwa sana kuwa na tembe nne za ziada (jumla ya tembe kumi na mbili za Misoprostol).

Kila tembe inastahili iwe 200 mcg.

Ikiwa tembe unazozipata ziko katika vipimo tofauti vya mcg, utahitaji kufanya hesabu tena ya jumla ya tembe ili uweze kutumia kipimo kinachofaa cha dawa.

Ikiwa una maswali yoyote, tafadhali usisite kuwasiliana nasi. Tuko hapa kukusaidia katika mchakato wako wote wa kuavya mimba.

Jinsi ya kutumia Misoprostol kwa uaviaji mimba salama

Kumbuka kuwa dalili nyingi ambazo utashuhudia huanza punde baada ya kutumia Misoprostol, hivyo chagua wakati unaokufaa na mpangilio wako. Inapendekezwa kuchagua wakati unapokuwa nyumbani bila ya majukumu.

Hatua ya kwanza: Meza 800mg ya Ibruprofen saa moja kabla ya kutumia Misoprostol.

Hatua hii haihitajiki, lakini tunaipendekeza sana. Ibuprofen itapunguza kiasi cha msokoto na kukusaidia kudhibiti uwezekano wa madhara ya Misoprostol kama vile kuumwa kichwa, joto na / au kibaridi. Kumbuka, Ibuprofen inaweza kutumika katika utaratibu wote na baada inapohitajika. Wanawake wanaoathirika na Ibuprofen au NSAIDs wanaweza kushauri ukurasa wa FAQs kwa mapendekezo kuhusu njia mbadala za kukabili maumivu.

Ikiwa una dawa ya kuzuia kichefuchefu, unaweza kuitumia katika wakati huu.

Hatua ya pili: Weka Misoprostol nne chini ya ulimi wako kwa dakika thelathini.

Ni muhimu sana kuwa tembe zisalie chini ya ulimi wako kwa dakika thelathini ili kuziruhusu kuchukuliwa na mfumo wako. Baada ya dakika thelathini unaweza kunywa maji kuosha na kumeza mabaki yoyote ya tembe.

Ikiwa utatapika dakika thelathini Misoprostol inapokuwa chini ya ulimi wako, kuna uwezekano kuwa hazitafanya kazi. Katika hali hii, ni lazima kurudia hatua ya pili mara moja.

Ikiwa utatapika baada ya kuwa na tembe chini ya ulimi wako kwa dakika thelathini, hakuna haja ya kurudia hatua ya pili kwani tembe zitakuwa tayari zimechukuliwa katika mfumo wako.

Subiri saa tatu

Hatua ya tatu: Weka Misoprostol zingine nne chini ya ulimi wako kwa dakika thelathini.

Subiri saa tatu

– Kwa wanawake walio na uja uzito wa wiki tisa, endelea kwa hatua yanne tu ikiwa saa tatu zimepita tangu ulipotumia Misoprostol na haujakuwa na uvujaji damu wowote au uvujaji damu umekuwa wepesi kuliko hedhi yako ya kawaida.

– kwa wanawake walio uja uzito wa wiki sita hadi kumi na moja, endelea kwa hatua ya nne hata kama uvujaji wa damu upo.

Unaweza pia kuwasiliana nasi.

Hatua ya nne: Weka tembe za Misoprostol zingine nne chini ya ulimi wako kwa dakika thelathini.

[Kwa wanawake wenye uja uzito wa wiki tisa hadi kumi na moja au ambao hawakushuhudia uvujaji damu wowote]

Ikiwa saa tatu zaidi zimepita na bado haujavuja damu au kuwa na msokoto, wasiliana nasi. Usitumie tembe zaidi hadi tutathmini hali yako pamoja.

Dalili Zinazotarajiwa

Baada ya kutumia Misoprostol utashuhudia msokoto na kuvuja damu. Baadhi ya wanawake (si wote) watatoa damu iliyokolea. Haiwezekani kujua wakati hasa msokoto na uvujaji wa damu utaanza, mara nyingi, ni kati ya saa moja hadi mbili, lakini inaweza kuwa saa kadhaa baadaye.

Uvujaji damu unaotarajiwa unastahili kuwa mzito kuliko hedhi yako, au angalau ufanane. Unaweza kuwa na utokaji damu au kutotokwa damu kwa siku au wiki kadhaa baada ya kutumia tembe. Dalili zako za uvujaji damu na uja uzito zinastahili kuimarika polepole katika wiki chache zijazo.

Kwa wanawake walio kati ya wiki kumi hadi kumi na moja, mtakuwa na dalili za kuvuja damu au msokoto, hata hivyo unaweza kuona kijusi kinapopita. Kwa kawaida kijusi hiki huwa kimechanganyika na damu na damu iliyokolea, na mara nyingi kinapita bila kuonekana, lakini ni muhimu kujua kuwa ni kawaida ikiwa utakiona. Usitie shaka, kinaweza kutupwa kwa kikunja kwa visodo au kusukumwa na maji kwa choo.

Kumbuka kuwa kila tukio la kuavya mimba ni tofauti na dalili zinaweza kutofautiana kutoka mwanamke hadi mwanamke.

Wengi wa wanawake ambao wana dalili za uja uzito wanaacha kuwa nazo siku tatno baada ya kutumia Misoprostol. Ikiwa dalili zako za uja uzito zimeanza kupungua na kupotea baada ya kutumia tembe za kuavya mimba, hii ni ishara nzuri kuwa hauna uja uzito tena.

Madhara ya Misoprostol

Baada ya kutumia Misoprostol, wanawake wengine hushuhudia madhara ambayo yanaweza kudumu kwa saa au siku chache. Madhara haya ni pamoja na:

  • Joto
  • kuendesha
  • Kichefuchefu / kutapika
  • Kuumwa kichwa
  • kibaridi

Tahadhari

Ili kuepuka kuvuja damu zaidi na / au maambukizi, ni muhimu kwa wiki zinazofuata, au hadi uvujaji damu wako upungue, uchukue tahadhari zifuatazo.

  • Epuka kuweka vitu katika uke wako, ikiwa ni pamoja na tamponi na kikombe cha hedhi
  • Epuka shughuli kali za kimwili (mazoezi, kubeba, kusukuma au kuvuta vitu nzito, kutembea zaidi kuliko kawaida au kutembea juu kwa ngazi nyingi)
    Kumbuka: Hakuna ushahidi kwa muda unaopendekezwa kusubiri ili kujamiiana baada ya kuavya mimba kwa kutumia tembe za kuavya mimba, lakini kwa jumla inapendekezwa usubiri hadi uvujaji mzito wa damu ukome, na sikiza mwili wako na mahitaji

Ishara za onyo: kutafuta msaada

Ikiwa una mojawapo ya dalili zifuatazo, hii inachukuliwa kuwa ishara ya onyo kwamba unaweza kuwa na utata na unastahili kutafuta matibabu mara moja:

Ukijaza pedi mbili au zaidi (ijae kabisa mbele hadi nyuma, upande kwa upande) katika saa moja au chini na idumu kwa saa mbili mfululizo au zaidi.

  • Joto la nyuzi thelathini na nane ya Celsius za digrii (100.4 digrii Fahrenheit) ambayo haipungui baada ya kumeza Ibuprofen. Mara kwa mara thibitisha kwa kipima joto.
  • Joto la nyuzi thelathini na nane Celsius za digrii (100.4 digrii Fahrenheit) ambayo haipungui saa ishirini na nne baada ya kutumia Misoprostol. Mara kwa mara thibitisha kwa kipima joto.
  • Maumivu ambayo hayapungui baada ya kutumia Ibuprofen.
  • Rangi au harufu ya damu yako ni tofauti sana na kipindi chako cha kawaida cha hedhi au ina harufu mbaya.
  • Ikiwa una wekundu, unahisi kujikuna au mikono inavimba, shingo na uso, inawezekana kuwa una athari ya matumizi ya dawa. Unaweza kutumia antihistamine, lakini ikiwa unapata ugumu kupumua basi athari ya dawa ni mbaya na unahitaji utunzaji wa kimatibabu mara moja

References