Unwanted Kit

Unwanted-Kit na one of the most popular abortion tablet brand for India. E dey come inside two set of abortion medicine – Mifepristone and Misoprostol. Whether you dey concerned about how Unwanted-Kit dey work, the price, the dosage or where to get am, we hope say dis guide go dey useful. If you get extra question, abeg contact our counsellors on top email or live chat.

Wetin be Unwanted-kit?

The Unwanted-Kit na combination of two medicines – Mifepristone and Misoprostol – wey dem dey use commot belle wey don reach up to 11 weeks. Mifepristone dey block the pregnancy hormone wey the belle need to grow, and Misoprostol dey help the cervix relax and the uterus contract to commot the belle. Na Mankind Pharma Ltd. Company dey produce am. [1]

How Unwanted-Kit dey take commot belle?

The Unwanted-Kit na combination of two medicines: Mifepristone and Misoprostol.

Mifepristone dey block the effect of progesterone, wey be natural hormone the belle need to grow. E no go let the belle grow again, and e go prepare the uterus to contract and the cervix to dey soft and dilate. Usually, e go start to dey within 24-48 hours after you don use am. [2]

Misoprostol dey soften and dilate the cervix, and e dey also cause the uterus to contract. All dis things dey help commot the belle. E go start to work within ~1 hour after you use a, but fit take longer. [2]

Wetin be Unwanted-Kit Dosage?

Unwanted-Kit dey come inside the combination of 1 Mifepristone medicine (200mg) and 4 Misoprostol medicine (200 mcg each so na total of 800mcg). The recommended dose depend on how long the belle don dey.

Wetin be Uwanted-Kit Dosage for Belle Wey Dey Under 6 Weeks?

For belle under 6 weeks, the recommended Unwanted-Kit dose na 1 Mifepristone medicine (200mg) and 4 medicine of Misoprostol (total na 800mcg). For some case, e dey recommended to get extra 4 medicine of Misoprostol (total na 1600mcg) for hand to use. [3]

Wetin be Unwanted-Kit Dosage for Belle wey dey Under 9 weeks?

For belle under 9 weeks, the recommended Unwanted-Kit dose na 1 Mifepristone medicine (200mg) and 4 medicine of Misoprostol (total na 800mcg). For some case, e dey recommended to get extra 4 medicine of Misoprostol (total na 1600mcg) for hand to use. [3]

Wetin be Unwanted-Kit Dosage for Belle wey dey between 9-11 weeks?

For belle between 9-11 weeks, you fit also use the Unwanted-Kit dose of 1 Mifepristone medicine (200mg) and 4 medicine of Misoprostol (800mcg), but if e possible, e dey recommended to get total of 8 Misoprostol medicine (1600mcg) because e go increase the chance of success [4], [5]

Wetin be the price of Unwanted-Kit?

The price of 1 pack of Unwanted-Kit is dey low, but e go depend on top the area wey you dey live. Different countries get different laws about abortion, and e fit also affect the price of the kit. For India, the Unwanted-Kit na around Rs 386 – Rs 400. [1]

How to use Unwanted-Kit

Unwanted-Kit contain the combination of 1 Mifepristone medicine and 4 Misoprostol medicine.

First, you go swallow 1 Mifepristone medicine (200mg) with water. If you vomit inside the first 30 minutes after you don swallow the Mifepristone, E dey most likely say the medicine no go work and you go need take anoda medicine of Mifepristone.

Wait 24-48 hours after you don take the Mifepristone medicine.

Then, put 4 Misoprostol medicine under your tongue (sublingually) and let am dissolve for 30 minutes. After 30 minutes, you fit drink water to swallow any one wey remain. [1], [2]

To find the full protocol, visit our page or contact our counselors.

Wetin be the Side Effect of Unwanted-Kit?

Wen dem use am for abortion, Misoprostol go cause abdominal cramping and bleeding. Pregnancy-related signs like, make e be like say person wan vomit and vomiting fit increase after you don take Mifepristone and increase again after you take Misoprostol, but dem go reduce and disappear during the abortion process. On top dat one, e possible to experience side effect like diarrhea, make person body dey hot, and make cold dey catch person. [5]

E dey normal make the bleeding last for about 12-14 days and the other signs fit stop after 24 hours. [1]

Wetin Unwanted-Kit resemble?

The Unwanted-Kit pack dey white color.
The Mifepristone medicine (200mg) be light yellow color and e shape dey like is cylinder.
The 4 Misoprostol medicine (200mcg each) be small, white oval-shape medicine.

How to Get Unwanted-Kit Tablet?

The Unwanted-Kit abortion medicine fit dey available but e depend for where you dey live. E dey likely say you go need medical prescription for the pharmacy.

You fit contact our counselors for email or live chat dem go fit help you find where you fit trust to go buy am.

Authors:

Na the safe2choose team and other experts wey dey support dem for carafem, base on top the 2020 recommendation by The National Abortion Fund (NAF) and 2019 recommendation by Gynuity.

The National Abortion Federation na the professional association of people wey dey do abortion for North America.

carafem dey give comfortable and professional abortion care and family planning so people fit control the number and spacing of dia children.


Sources

[1] 1mg. (2020). Unwanted Kit Tablet. Kanwar, B. S., & Kanodia, L. Retrieved from: https://www.1mg.com/drugs/unwanted-kit-tablet-267798

[2] Jani, P. S. (2018). Use of MTP kit (Mifepristone and Misoprostol combination pack) for 1st trimester MTP (up to 63 days) at GMERS Dharpur, Patan, Gujarat, India. International Journal of Reproduction, Contraception, Obstetrics and Gynecology, 2018;7(9): 3615. https://doi.org/10.18203/2320-1770.ijrcog20183763

[3] Platais, I., Tsereteli, T., Grebennikova, G., Lotarevich, T., & Winikoff, B. (2016). Prospective study of home use of mifepristone and misoprostol for medical abortion up to 10weeks of pregnancy in Kazakhstan. International journal of gynaecology and obstetrics: the official organ of the International Federation of Gynaecology and Obstetrics, 2016;134(3): 268–271. Retrieved from: https://www.ncbi.nlm.nih.gov/pubmed/?term=Prospective+study+of+home+use+of+mifepristone+and+misoprostol+for+medical+abortion+up+to+10+weeks+of+pregnancy+in+Kazakhstan

[4] Raymond, E. G., Harrison, M. S., & Weaver, M. A. (2019). Efficacy of Misoprostol Alone for First-Trimester Medical Abortion: A Systematic Review – Gynuity Health Projects. Gynuity. Retrieved from: https://gynuity.org/resources/efficacy-of-misoprostol-alone-for-first-trimester-medical-abortion-a-systematic-review

[5] CiplaMed. (2013). MTP Kit (Mifepristone + Misoprostol). Retrieved from: https://www.ciplamed.com/content/mtp-kit

Last updated on 17/12/2020