Abortion Medicine and Abortion Wey dem dey use hand comot, which one make I do?

For dis table, we go dey compare wetin good and wetin no too good for abortion with medicine and de manual vacuum aspiration abortion(one with hand or light) method wey dem dey take commot belle. safe2choose don endorse two safe methods inside de first 11 weeks wey de belle don enter and e dey de woman hand to decide which one make sense for her plus she go reason how much she get, if e dey available, how long de belle don dey and wetin she like.

To select which abortion method make sense pass

Medical Abortion (MA) or Abortion wit medicine
Wetin be abortion with medicine (medical abortion)?
Meaning Medical abortion (dem dey sometimes call am abortion with medicine) e dey safe. Na wen de woman use medicine take commot belle wey she no want.
Two type of medical abortion na im dey and e safe: you go use Mifepristone wit Misoprostol, or you go use Misoprostol only. safe2choose don endorse dis two safe methods inside de first 11 weeks wey de belle don enter [1], and you fit see informate wey full ground here.

In-clinic Abortion or Vacuum Aspiration Abortion
Wetin be manual vacuum abortion (surgical abortion)?
Meaning Manual vacuum aspiration (MVA) na abortion wey safe for belle wey still dey inside de first three months until like 14 weeks. How long dey belle don dey wey person fit take do MVA dey for de hand of de hospital or de health care people wey go do am. [3]

Electric Vacuum Aspiration (EVA) dey very safe to commot belle wey still dey first trimester, and/or early second trimester. Na person wey dem train go fit do EVA. De difference wey dey between EVA and MVA na say light na im dem go use commot de belle. Because EVA need light, e fit no dey available for places were dem no get plenti things.

Na de healthcare person wey dem train well well like doctor na im fit do MVA and EVA. Sabi more about am for here.

Medical Abortion (MA) or Abortion wit medicine
Wetin good and wetin no too good inside abortion with medicine (medical abortion) [1], [2]
How e dey workE dey work well well like 95%
E dey safe?E dey very safe
Whether Belle DeyYou no need ultrasound
Belle age You fit do am for belle wey don reach 11 weeks sef
To sabi more about how long your belle don dey, go our page to know whether you get belle and to calculate am.
WhereFor inside house or where de woman go dey comfortable.
Who Carry Am OutDe woman fit do am by herself
How LongDem fit use some days to some weeks to do abortion wit medicine finish.
Things Wey Fit Happen Person fit dey see blood sometimes for like 2 weeks or more.
Belle fit dey pain person sometimes for like 2 weeks.
Bad Things Wey Fit HappenGbege wey fit happen be: plenti blood go dey come out, infection, belle fit no commot and dey belle fit no commot finish.
How MuchMA no cost like MVA because na only medicine you go buy take do am. You no need ultrasound. How much MA be go depend for where you live and whether you fit buy de medicine for pharmacy or na only doctor fit order make you buy am.
Care After Belle Comot E go betta make you go hospital again after de MA to make sure say you don do am well.
If plenti blood dey come out, bodi dey hot, pain dey, infection, or bodi still dey do like say de belle still dey inside, go hospital.
Urine pregnancy test go show negative 4-6 weeks after de abortion.
Women go fit do wetin dem dey normally after de MA.
You fit see more informate about care after medical abortion for here.
Care for Medicine Wey no go let you get belle You fit start to dey use package/medicine wey no go let belle enter after de MA, but you no go fit use de package like de toto ring and de IUD.
To find de package/medicine wey no go let belle enter go www.findmymethod.org

In-clinic Abortion or Vacuum Aspiration Abortion
Wetin good and wetin no too good for manual vacuum abortion (MVA or surgical abortion) [3], [4]
How e dey workE dey work well well like 99%
E dey safe?E dey very safe
Whether Belle DeyYou no need ultrasound
Belle age You fit do am for belle wey don reach 10-14 weeks* (*how long wey de belle fit don reach before you do MVA na de hand of de hospital or your healthcare person e dey)
To sabi more about how long your belle don dey, go our page to know whether you get belle and to calculate am.
WhereFor hospital
Who Carry Am OutNa doctor wey dem train well well for dis kain matter go do am.
How LongDe time wey e go take to complete MVA na minutes o, e no dey tay at all.
Things Wey Fit Happen Blood fit dey come out sometimes, but e no go reach 1 to 2 weeks.
Belle fit dey pain person sometimes but e no go reach 1- 2 weeks.
Bad Things Wey Fit HappenGbege wey fit happen be: plenti blood go dey come, infection, injury for uterus and other organs wey dey near am, belle fit no commot, de belle fit no commot finish and make person die.
How MuchMVA cost pass MA because you go need do some test like ultrasound. How much MVA be go depend for where you live and de abortion law for there
Care After Belle Comot E go betta make you go hospital again after de MA to make sure say you don do am well.
If plenti blood dey come out, bodi dey hot, pain dey, infection, or bodi still dey do like say belle still dey inside, go hospital.
Urine pregnancy test go show negative 2-3 weeks after de abortion.
Women go fit do wetin dem dey normally do after de MA.
You fit see more informate about care after medical abortion for here.
Care for Medicine Wey no go let you get belle You fit start to dey use medicine wey no go let belle enter after you don do vacuum aspiration abortion.
To find de package/medicine wey no go let belle enter go www.findmymethod.org

Who write am:

By de safe2choose team and our experts wey dey support us for carafem, on top de 2020 recommendations by The National Abortion Fund (NAF), de 2019 recommendations by Ipas, and de 2012 recommendations by WHO.

De National Abortion Federation be de professional association of abortion providers North America.

carafem dey give easy and professional abortion care and family planning so dat people fit control de number and space dia children.

Ipas na de only international organization wey tanda on top de matter as e take concern make people fit get access to safe abortion and contraceptive care.

WHO na agency of the UNO wey dey responsible for international public health.


Our Source

[1] National Abortion Federation (NAF). Clinical Policy Guidelines for Abortion Care. 2020. Retrieved from: https://5aa1b2xfmfh2e2mk03kk8rsx-wpengine.netdna-ssl.com/wp-content/uploads/2020_cpgs_final.pdf

[2] Gynuity. Providing medical abortion in low-resource settings An Introductory Guidebook. Second Edition. 2009. Retrieved from: https://gynuity.org/assets/resources/clinguide_maguide2nd_edition_en.pdf

[3] World Health Organization (WHO). Safe abortion: technical and policy guidance for health systems, second edition. 2012. Retrieved from: https://apps.who.int/iris/bitstream/handle/10665/70914/9789241548434_eng.pdf;jsessionid=F77B761669FC579124C1E9CA2CC3CFDB?sequence=1

[4] Ipas. Clinical Updates in Reproductive Health. 2019. Retrieved from: https://ipas.azureedge.net/files/CURHE19-april-ClinicalUpdatesInReproductiveHealth.pdf

Last updated on 10/11/2020

We are staying available to support you with your abortion during COVID-19.

We are closely monitoring the situation of coronavirus globally and will keep updating our information and services.

We advise our readers to:

  1. Read our latest blog post on abortion and COVID-19
  2. Follow WHO safety guidelines on COVID-19
  3. Contact our counselors